ທ່ານ​ນາງ​ຫງວຽນ​ທິ​ກິມ​ເງີນ ປະ​ທານ​ສະ​ພາ​ແຫ່ງ​ຊາດ​ ໄດ້​ລົງ​ພົບ​ປະ​ກັບ​ຜູ້​ມີ​ສິດ​ເລ​ືອກ​ຕັ້ງຢູ່​ ເກີນ​ເທີ (vovworld)- ວັນ​ທີ 4/5, ທ່ານ​ນາງ​ຫງວຽນ​ທິ​ກິມ​ເງີນ ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ​ພ້ອມ​ກັບ​ຜູ້​ອອກ​ສະ​ໝັກ​ຮັບ​ເລືືອກ​ຕັ້ງເປັນ ສ.ສ.ຊ 4 ທ່ານ ໄດ້​ລົງ​ພົບ​ປະ​ກັບ​ຜູ້​ມີ​ສິດ​ເລ​ືອກ​ຕັ້ງຢູ່​ ເກີນ​ເທີ. ເມື່ອ​ສະ​ເໜີ​ໂຄງ​ການ​ດຳ​ເນີນ​ງານ​ຂອງ​ຕົນ​ຕໍ່​ໜ້າ​ຜູ້​ມີ​ສິດ​ເລ​ືອກ​ຕັ້ງຢູ່ເມືອງ​ນິງ​ກຽວ, ທ່ານ​ນາງ​ຫງວຽນ​ທິ​ກິມ​ເງີນ ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຊີ້​ແຈ້ງວ່າ ຈະ​ປະ​ຕິ​ບັດ 3 ພາ​ລະ​ບົດ​ບາດ​ຂອງ ສ.ສ.ຊ ນັ້ນ​ແມ່ນ​ເຂົ້າຮ່ວມການ​ສ້າງ​ລັດ​ຖະ​ທຳ​ມະ​ນູນ ແລະ​ ກົດ​ໝາຍ, ເຂົ້າ​ຮ່ວມ​ຕັດ​ສິນ​ບັນ​ຫາ​ສຳ​ຄັນ​ຂອງ​ປະ​ເທດ​ຊາດ, ຕິດ​ຕາມກວດ​ກາ​ສູງ​ສຸດ​ສຳ​ລັບ​ການ​ປະ​ຕິ​ບັດ​ກົດ​ໝາຍ ແລະ ມະ​ຕິ​ຂອງ​ສະ​ພາ​ແຫ່ງ​ຊາດ, ການ​ປະ​ຕິ​ບັດ​ກົດ​ໝາຍ​ຢູ່​ຂະ​ແໜງ​ການ​ຂັ້ນ​ຕ່າງໆ. ເມື່ອ​ເນັ້ນ​ໜັກ​ເຖິງ​ບັນ​ດາ​ໜ້າ​ທີ່​ຈຸດ​ສຸມ​ໃນ​ໄລ​ຍະ​ທີ່​ຈະ​ມາ​ເຖິງ, ທ່ານ​ນາງ​ຫງວຽນ​ທິ​ກິມ​ເງີນ ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ໃຫ້​ຮູ້​ວ່າ :     “ ນອກ​ຈາກວຽກ​ງານ​ລວມ​ຂອງສະ​ພາ​ແຫ່ງ​ຊາດ​, ຂ້າ​ພະ​ເຈົ້າພ້ອມ​ກັບ​ບັນ​ດາ​​ຜູ້​ອອກ​ສະ​ໝັກ​ຮັບ​ເລືືອກ​ຕັ້ງເປັນ ສ.ສ.ຊ ຄົ້ນ​ຄ້​ວາ​ລະ​ອຽດ​ກ່ຽວ​ກັບ​ມະ​ຕິ​ກ່ຽວ​ກັບ​ການ​ພັດ​ທະ​ນາ​ເສດ​ຖະ​ກິດ-​ສັງ​ຄົມ​ຂອງ​ເກີນ​ເທີ ເພື່ອ​ກຳ​ແໜ້ນ​ສະ​ພາບ​ການ​ຢູ່ທ້ອງ​ຖິ່ນຕ່າງໆ​ທີ່​ເຮົາ​ອອກ​ສະ​ໝັກ​ຮັບ​ເລືອກ​ຕັ້ງ, ແລະ ເມື່ອ​ກາຍ​ເປັນ ສ.ສ.ຊ ແລ້ວ, ພວກ​ຂ້າ​ພະ​ເຈົ້າ​ຈະ​ເຂົ້າ​ຮ່ວມ​ພ້ອມ​ກັບ​ຄະ​ນະ​ພັກ, ອຳນາດ​ການ​ປົກ​ຄອງ​ທ້ອງ​ຖິ່ນ​ເພື່ອ​ເຮັດ​ແນວ​ໃດ​ປະ​ຕິ​ບັດສຳ​ເລັດ​ບັນ​ດາ​ເປົ້າ​ໝາຍ​ທີ່​ໄດ້​ວາງ​ອອກ ”