ກ່າວ​ຄຳ​ເຫັນ​ທີ່​ພິ​ທີ​ໄຂ​ກອງ​ປະ​ຊຸມ​ຂັ້ນ​ສູງເນື່ອງ​ໃນ​ໂອ​ກາດ​ສະ​ເຫຼີມ​ສະຫຼອງ 25 ປີ​ແຫ່ງວັນ​ຮັບ​ຮອງ​ເອົາ​ຖະ​ແຫຼງ​ການ ແລະ ໂຄງ​ການ​ກະ​ທຳ Durban, ທ່ານ Antonio Guterres ​ເລ​ຂາ​ທິ​ການ​ໃຫຍ່ ສ​ປ​ຊ ໃຫ້​ຮູ້​ວ່າ ສ​ປ​ຊ ໄດ້​ນຳ​ພາ​ດ້ວຍ​ເປົ້າ​ໝາຍ​ງ່າຍ​ດາຍ​ແຕ່​ເລິກ​ເຊິ່ງ​ນັ້ນ​ແມ່ນ​ຊ່ວຍ​ສ້າງ​ໂລກ​ແຫ່ງ​ສັນ​ຕິ​ພາບ, ມີ​ຄວາມ​ຍຸ​ຕິ​ທຳ ແລະ ມີ​ຄວາມ​ສະ​ເໝີ​ພາບກວ່າ, ບ່ອນ​ທີ່​ກຽດ​ສັກ​ສິດ ແລະ ສິດ​ຂອງ​ແຕ່​ລະ​ຄົນ​ໄດ້​ຮັບ​ການ​ເຄົາ​ລົບ​ນັບ​ຖື. ທ່ານ ​ເລ​ຂາ​ທິ​ການ​ໃຫຍ່ ສ​ປ​ຊ ຮຽກ​ຮ້ອງ​ໃຫ້​ບັນ​ດາ​ລັດ​ຖະ​ບານ​ເພີ່ມ​ທະ​ວີ ແລະ ປະ​ຕິ​ບັດ​ກົດ​ໝາຍ​ວ່າ​ດ້ວຍ​ການ​ຕ້ານ​ການ​ຈຳ​ແນກ​ເຊື້ອ​ຊາດ​ຜິວ​ພັນ ແລະ ຄວາມ​ສະ​ເໝີ​ພາບ​, ກໍ່​ຄື​ບັນ​ດາ​ກົນ​ໄກ​ປະ​ຕິ​ບັດຢ່າງ​ມີ​ປະ​ສິດ​ທິ​ຜົນ. ຕາມ​ທ່ານ ເລ​ຂາ​ທິ​ການ​ໃຫຍ່ ສ​ປ​ຊ ​ແລ້ວ, ໄພ​ຈຳ​ແນກ​ເຊື້ອ​ຊາດ​ຜິດ​ພັນ ໃນ​ປະ​ຈຸ​ບັນ​ຍັງແຜ່​ລະ​ບາດ​ຢ່າງ​ຮຸນ​ແຮງກວ່າ​ກ່ອນນີ້ 25 ປີ​, ເມື່ອ​ຖະ​ແຫຼງ​ການ ແລະ ໂຄງ​ການ​ກະ​ທຳ Durban ໄດ້ຮັບ​ການ​ຮັບ​ຮອງ​ເອົາ. ໂລກ​ຕ້ອງ​ປະ​ເຊີນ​ໜ້າ​ກັບ​ບັນ​ດາ​ຜົນ​ຕາມ​ມາ​​ຂອງ​ລະ​ບົບ​​ຂ້ອຍຂ້າ​, ລັດ​ທິ​ຫົວ​ເມືອງ​ຂຶ້ນ ແລະ ການ​ຈຳ​ແນກ​ເຊື້ອ​ຊາດ​ຜິດ​ພັນ ແລະ ຕ້ອງ​ຮັບ​ຮອງ​ເອົາ​ບັນ​ດາ​ມາດ​ຕະ​ການ​ລະອຽ​ດ​ເພື່ອ​ນຳ​ມາ​ເຊິ່ງ​ຄວາມ​ຍຸ​ຕິ​ທຳ ​ການ​ແກ້​ໄຂ​ຕ້ອງ​ອີງ​ຕາມ​ກົດ​ໝາຍ​ວ່າ​ດ້ວຍ​ສິ​ດ​ທິ​ມະ​ນຸດ​ສາ​ກົນ.