ນັບແຕ່ວັນທີ 01 ເມສາ 2026, ວິທະຍຸກະຈາຍສຽງ ຫວຽດນາມ ແມ່ນຫົວໜ່ວຍທຸລະການພາກລັດຂອງຄະນະບໍລິຫານງານສູນກາງພັກກອມມູນິດ ຫວຽດນາມ, ໂດຍເຄື່ອນໄຫວພາຍໃຕ້ການຊີ້ນຳ, ນຳພາຂອງກົມການເມືອງ, ຄະນະເລຂາທິການ ໂດຍກົງ ແລະ ເປັນປະຈຳ.
ວິທະຍຸກະຈາຍສຽງ ຫວຽດນາມ ໄດ້ປະຕິບັດພາລະໜ້າທີ່ລົງ ແລະ ກະຈາຍຂໍ້ມູນຂ່າວສານທາງການຂອງພັກ ແລະ ລັດ; ສ່ອງແສງຊີວິດທາງດ້ານການເມືອງ, ເສດຖະກິດ, ວັດທະນະທຳ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ ແລະ ການພົວພັນຕ່າງປະເທດຂອງ ຫວຽດນາມ ຢ່າງຖືກຕ້ອງຕາມຄວາມເປັນຈິງ; ສວມບົດບາດແກ່ນສານໃນວຽກງານແນວຄິດ, ວັດທະນະທຳໃນຂົງເຂດກະຈາຍສຽງ ແລະ ການສື່ສານ. ພ້ອມດຽວກັນນັ້ນ, ວິທະຍຸກະຈາຍສຽງ (VOV) ກໍມີພາລະໜ້າທີ່ຈັດຕັ້ງການສະໜອງການບໍລິການກະຈາຍສຽງ, ຜະລິດຕະພັນເນື້ອຫາດີຈີຕອນ ແລະ ການສື່ສານຫຼາຍ ແພຼດພອມ (Multi-platform media) ລົງບັນດາພື້ນຖານໂຄງລ່າງເຕັກນິກ ແລະ ສະພາບແວດລ້ອມດີຈີຕອນ ຕາມຂໍ້ກຳນົດຂອງພັກ ແລະ ກົດໝາຍຂອງລັດ; ປະກອບສ່ວນສ້າງພື້ນທີ່ການສື່ສານທີ່ປອດໃສ, ທັນສະໄໝ, ມີວັດທະນະທຳມະນຸດ, ຮັບໃຊ້ພາລະກິດສ້າງສາ ແລະ ປົກປັກຮັກສາປະເທດຊາດ.
ປັດຈຸບັນ, ວິທະຍຸກະຈາຍສຽງ ຫວຽດນາມ (VOV) ມີ 23 ຫົວໜ່ວຍຂຶ້ນກັບຂັ້ນກົມ, ດ້ວຍຫຼາຍຊ່ອງວິທະຍຸສະເພາະດ້ານ (VOV1, VOV2, VOV3, VOV4, VOV5, VOV ການສັນຈອນແຫ່ງຊາດ…); ໜັງສືພິມເອເລັກໂຕນິກວິທະຍຸກະຈາຍສຽງ ຫວຽດນາມ (VOV) ແລະ ໜັງສືພິມເອເລັກໂຕນິກ VTC News; ພ້ອມດ້ວຍຕາໜ່າງ 06 ຫ້ອງການປະຈຳເຂດພາກຢູ່ພາຍໃນປະເທດ ແລະ 13 ຫ້ອງການປະຈຳຢູ່ຕ່າງປະເທດ.
ຕິດຕໍ່: ວິທະຍຸກະຈາຍສຽງ ຫວຽດນາມ
ທີ່ຢູ່: 58 ກວານຊື໊ - ຕາແສງ ເກືອນາມ - ນະຄອນ ຮ່າໂນ້ຍ.
ໂທລະສັບ: (+84) 2438255694
