(VOVWORLD) -ຊຸມວັນນີ້, ປະຊາຊົນຢູ່ກາເມົາພວມກ້າວເຂົ້າສູ່ລະດູເກັບກູ້ກຸ້ງກ້າມ ຕ້ອນຮັບບຸນເຕັດ. ລາຄາກຸ້ງກ້າມໄດ້ເພີ່ມຂຶ້ນເມື່ອທຽບໃສ່ກັບໄລຍະເບື້ອງຕົ້ນຂອງການແຜ່ລະບາດຮອບທີ 4, ມີປະຊາຊົນຫຼາຍຄົນຮູ້ສຶກດີໃຈຍ້ອນມີລາຍຮັບຕື່ມອີກ ເພື່ອກະກຽມຊື້ເຄື່ອງຂອງຕ້ອນຮັບບຸນເຕັດ. ຮູບແບບປູກຕົ້ນເຂົ້າ - ລ້ຽງກຸ້ງ ແມ່ນໜຶ່ງໃນບັນດາບາດກ້າວບຸກທະລຸດ້ານເສດຖະກິດຂອງແຂວງ ໃນຊຸມປີຜ່ານມາ ແລະ ກຸ້ງກ້າມນັບມື້ນັບຢັ້ງຢືນໄດ້ບົດບາດໃນວິວັດການພັດທະນາເສດຖະກິດ ຂອງຫຼາຍຄອບຄົວ ແລະ ທົ່ວແຂວງ.