ໃນການຕ້ອນ​ຮັບ​ທ່ານ Jonathan Yap, ຜູ້​ອໍ​າ​ນວຍ​ການ​ໃຫຍ່​ກຸ່ມ​ບໍ​ລິ​ສັດ CapitaLand Development, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ຫວຽດ​ນາມ ໂຕ​ເລິມ ຢັ້ງ​ຢືນ​ວ່າ ຫວຽດ​ນາມ ຍາມ​ໃດ​ກໍ​ຮ່ວມ​ເດີນ​ທາ​ງ, ສ້າງ​ເງື່ອນ​ໄຂ​ສະ​ດວກ​ໃຫ​້​ແກ່​ບັນ​ດາ​ນັກ​ລົງ​ທຶນ​ຕ່າງ​ປະ​ເທດ, ໃນ​ນັ້ນ ມີ CapitaLand, ທ່າ​ນ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ສະ​ເໜີ​ໃຫ້ CapitaLand ສືບ​ຕໍ່​ແມ່ນ​ຄູ່​ຮ່ວມ​ມື​ລົງ​ທຶນ​ຍາວ​ນານ, ປະ​ກອບ​ສ່ວນ​ຊຸກ​ຍູ້​ການ​ຮ່ວມ​ມື​ດຳ​ເນີນ​ທຸ​ລະ​ກິດ​ລະ​ຫວ່າງ ຫວຽດ​ນາມ - ສິງ​ກະ​ໂປ ໃນ​ໄລ​ຍະ​ໃໝ່. ສ່ວນ​ຜູ້​ອຳ​ນວຍ​ການ​ໃຫຍ່​ກຸ່ມ​ບໍ​ລິ​ສັດ CapitaLand ໃຫ້​ຮູ້​ວ່າ ໃນ​ໄລ​ຍະ​ຈ​ະ​ມາ​ເຖິງ ຢາ​ກ​ຮ່ວມ​ມື​ກັບ ຫວຽດ​ນາມ ເປີດກວ້າງ​ກາ​ນ​ລົງ​ທຶນ​ໃນ​ບັນ​ດາ​ຂົງ​ເຂດ​ຕົວ​ເມືອງ, ເຮືອນ​ຢູ່​ສີ​ຂຽວ, ອະ​ສັງ​ຫາ​ລິ​ມະ​ຊັບອຸດ​ສາ​ຫະ​ກຳ, logistics ແລະ ສູນ​ຂໍ້​ມູນ​ສີ​ຂຽວ.

ໃນ​ການ​ຕ້ອນ​ຮັບ​ທ່ານ Wong Kim Yin, ຜູ້​ອຳ​ນວຍ​ການ​ໃຫຍ່ Semcorp, ກຸ່ມ​ບໍ​ລິ​ສັດ​ເຄື່ອນ​ໄຫວ​ໃນ​ບັນ​ດາ​ຂົງ​ເຂດ​ພະ​ລັງ​ງານ, ໂຄງ​ລ່າງ​ຕົວ​ເມືອງ, ເຂ​ດ​ອຸດ​ສາ​ຫະ​ກຳ ແລະ ບັນ​ດາ​ມາດ​ຕະ​ກາ​ນ​ໜູນ​ຊ່ວຍ​ຫັນ​ປ່ຽນ​ພະ​ລັງ​ງານ, ພັດ​ທະ​ນາ​ແບບ​ຍືນ​ຍົງ​, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ສະ​ເໜີ​ໃຫ້​ກຸ່ມ​ບໍ​ລິ​ສັດ​ສືບ​ຕໍ່​ລົງ​ທຶນ​ດຳ​ເນີນ​ທຸ​ລະ​ກິດ, ເປີດກວ້າງ​ຂອບ​ເຂດ​ການ​ລົງ​ທຶນ​ໃນ​ບັນ​ດາ​ຂົງ​ເຂດ ເຊິ່ງ ຫວຽດ​ນາມ ມີ​ຄວາມ​ຕ້ອງ​ການ; ມຸ່ງ​ໄປ​ເຖິງ 34 ແຂວງ, ນະ​ຄອນ ຂອງ ຫວຽດ​ນາມ ລ້ວນ​ແຕ່​ມີ​ເຂດ​ອຸດ​ສາ​ຫະ​ກຳ ຫວຽດ​ນາມ - ສິງ​ກະ​ໂປ ຢ່າງ​ໜ້ອຍ​ສຸດ 1 ແຫ່ງ ແລະ ພັດ​ທະ​ນາ​ຕາມ​ທິດ​ເຂດ​ອຸດ​ສາ​ຫະ​ກຳ​ສີ​ຂຽວ, ເຂດ​ອຸດ​ສາ​ຫະ​ກຳ​ອັດ​ສະ​ລິ​ຍະ, ສູນ​ນະ​ວັດ​ຕະ​ກຳ, ໂຄງ​ລ່າງ​ດີ​ຈີ​ຕອນ, logistics ທັນ​ສະ​ໄໝ ແລະ ລະ​ບົບ​ນິ​ເວດ​ຜະ​ລິດ​ທີ່​ປ່ອຍ​ອາຍພິດ​ຕ່ຳ.

ກໍ​ໃນ​ຕອນ​ບ່າຍ​ຂອງວັນ​ດຽວ​ກັນ, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ໄດ້​ຕ້ອນ​ຮັບ​ທ່ານ Bod Chi, ຜູ້​ອໍ​າ​ນວຍ​ການ​ໃຫຍ່​ຝ່າຍ​ບໍ​ລິ​ຫານ SATS; ການ​ນຳ​ບໍ​ລິ​ສັດ SEA Limited; ທ່ານ Loh Chin Hua, ຜູ້​ອຳ​ນວຍ​ການ​ໃຫຍ່​ຝ່າຍ​ບໍ​ລິ​ຫານ Keppel ແລະ ການ​ນຳ​ທະ​ນາ​ຄານ UOB.

ເນື່ອງ​ໃນ​ໂອ​ກາດ​ນີ້, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິ​ມ ໄດ້​ພົບ​ປະ​ກັບ​ທ່ານ Seah Kian Peng ປະ​ທານສະ​ພາ​ແຫ່ງ​ຊາດ ສິງ​ກະ​ໂປ.

ກໍ​ໃນ​ຂອບ​ເຂດ​ການ​ຢ້ຽມ​ຢາມ, ທ່ານ​ເລ​ຂາ​ທິ​ການ​ໃຫຍ່, ປະ​ທານ​ປະ​ເທດ ໂຕ​ເລິມ ໄປ​ຢ້ຽມ​ຢາມ​ບັນ​ດາ​ຮາກ​ຖານ​ເຕັກ​ໂນ​ໂລ​ຢີ​ຢູ່ ສິງ​ກະ​ໂປ.