ຖະແຫຼງຢຸດຕິການເຈລະຈາກັບ ອາເມລິກາ ໂດຍສຳນັກຂ່າວສານເຄິ່ງທາງການ Tasnim ຂອງອີຣານ ຍົກອອກມາໃນຕອນບ່າຍວັນທີ 1 ມິຖຸນາ, ໃນສະພາບການກຳລັງອາເມລິກາ ແລະ ອີຣານ ສືບຕໍ່ປະທະກັນຢ່າງດຸເດືອດ ໃນສະໜາມຮົບເຂດອ່າວ. ກ່ອນໜ້ານັ້ນ, ກອງທັບອາເມລິກາ ແຈ້ງໃຫ້ຮູ້ວ່າ ໄດ້ບຸກໂຈມຕີເລັ່ງໃສ່ລະບົບ radar ແລະ ສູນບັນຊາເຮືອບິນບໍ່ມີຄົນຂັບ ຂອງອີຣານໃນເກາະ Garuk ແລະ ເກາະ Qeshm ຢູ່ໃກ້ກັບຊ່ອງແຄບທະເລ Hormuz, ໃນວັນທີ 30 ແລະ 31 ພຶດສະພາ, ເພື່ອແນໃສ່ໂຕ້ຕອບການກະທຳເກາະຜິດຂອງ Tehran. ສ່ວນກຳລັງພິທັກປະຕິວັດອິດສະລາມ ອີຣານ (IRGC) ກໍ່ປະກາດວ່າ ໄດ້ຍິງລູກສອນໄຟເລັ່ງໃສ່ຖານທີ່ໝັ້ນຂອງອາເມລິກາ ທີ່ຕັ້ງຢູ່ ກູເວດເພື່ອໂຕ້ຕອບຄືນ. ແລະກໍ່ໃນວັນດຽວກັນ, ຕອບສຳພາດຕໍ່ນັກຂ່າວຊ່ອງ CNBC, ທ່ານ Trump ປະທານາທິບໍດີ ອາເມລິກາ ໃຫ້ຮູ້ວ່າ ຝ່າຍອີຣານ ຍັງບໍ່ທັນແຈ້ງກັບອາເມລິກາ ຢ່າງເປັນທາງການ ກ່ຽວກັບການຢຸດຕິການເຈລະຈາ. ໃນສານສະບັບອື່ນທີ່ລົງທາງສື່ສັງຄົມອອນໄລໃນວັນດ່ຽວກັນ, ທ່ານ Trump ໃຫ້ຮູ້ວ່າ ບັນດາການພົບປະກັບ ອີຣານ ຍັງຄົງສືບຕໍ່ຢ່າງໄວທີສຸດ, ໂດຍບໍ່ຫົວຊາຕໍ່ບັນດາຂ່າວຄາວທີ່ວ່າ ອີຣານ ໄດ້ຢຸດຕິການເຈລະຈາ.
