ລະອຽດ, ສອງຝ່າຍພວມສຸມໃສ່ການປຶກສາຫາລືໜຶ່ງໃນສອງແບບວິທີແກ້ໄຂຈຳນວນ ຢູລານຽມ ຂອງ ອີຣານ, ນັ້ນແມ່ນ ອາດຈະເຈືອຈາງສ່ວນປະກອບວັດຖຸດິບເຫຼົ່ານີ້ ຫຼື ສົ່ງໄປຍັງປະເທດທີ 3 ເຊິ່ງແມ່ນ ຈີນ ຫຼື ລັດເຊຍ. ເຖິງຢ່າງໃດກໍຕາມ, ບັນດາຂໍ້ມູນລະອຽດທີ່ກ່ຽວຂ້ອງ ຍັງບໍ່ທັນໄດ້ເປີດເຜີຍເທື່ອ. ວົງການເຈົ້າໜ້າທີ່ ອາເມລິກາ, ອີຣານ ກໍຄືບັນດາປະເທດເປັນກາງໄກ່ເກ່ຍຂອງ ປາກິດສະຖານ ແລະ ກາຕາ ກໍ່ຍັງບໍ່ທັນຢັ້ງຢືນເທື່ອ.
ກ່ອນໜ້ານັ້ນ, ຕອນຄ່ຳວັນທີ 26 ພຶດສະພາ, ສື່ມວນຊົນ ອີຣານ ໄດ້ໃຫ້ຂ່າວວ່າ ທ່ານ Mohammad Baqer Qalibaf ປະທານສະພາແຫ່ງຊາດ, ຫົວໜ້າຄະນະເຈລະຈາ ອີຣານ ໄດ້ສິ້ນສຸດການປຶກສາຫາລືຄັ້ງຕ່າງໆທີ່ກ່ຽວຂ້ອງຢູ່ ກາຕາ ແລະ ກັບຄືນສູ່ ເຕເຮຣານ. ທ່ານ ເດີນທາງມາຮອດ ໂດຮາ ໃນວັນທີ 25 ພຶດສະພາ ແລະ ມີການແລກປ່ຽນທີ່ສຳຄັນກັບບັນດາເຈົ້າໜ້າທີ່ແຖວໜ້າ ກາຕາ ກ່ຽວກັບບັນດາມາດຕາຂອງຂໍ້ຕົກລົງຢຸດຕິການປະທະກັນລະຫວ່າງ ອາເມລິກາ - ອີຣານ.
ນັກຂ່າວ VOV ປະຈຳ ອີຢິບ
