ວັນທີ 05 ຕຸລາ, ລັດຖະບານ ຍີ່ປຸ່ນ ໄດ້ອອກສຽງຄັດຄ້ານກ່ຽວກັບເລື່ອງ ຈີນ ເນັ້ນໜັກຖະແຫຼງການອະທິປະໄຕຂອງ ປັກກິ່ງ ສຳລັບໝູ່ເກາະ Senkaku (ຈີນ ເອີ້ນວ່າ ຕຽວອີ), ຢູ່ທະເລ ຮວາຕຸງ ຜ່ານເວັບໄຊໃໝ່. ທ່ານ Kato Katsunobu ຫົວໜ້າຫ້ອງການຄະນະລັດຖະບານ ຍີ່ປຸ່ນ ໃຫ້ຮູ້ວ່າ: ຍີ່ປຸ່ນ ຮຽກຮ້ອງລົບລ້າງເວັບໄຊດັ່ງກ່າວ ແລະ ຢືນຢັນວ່າພວມຄວບຄຸມໝູ່ເກາະແຫ່ງນີ້, ໃນຂະນະທີ່ ຈີນ ຖະແຫຼງອະທິປະໄຕ. ລັດຖະບານ ຍີ່ປຸ່ນ ຢືນຢັນວ່າ ເຂດໝູ່ເກາະດັ່ງກ່າວແມ່ນຜືນແຜ່ນດິນທີ່ມີມາແຕ່ໃດຂອງ ຍີ່ປຸ່ນ, ພິຈາລະນາທັງໃນດ້ານປະຫວັດສາດ ແລະ ກົດໝາຍສາກົນ. ຍີ່ປຸ່ນ ຢືນຢັນວ່າເຂດໝູ່ເກາະນີ້ ບໍ່ມີບັນຫາອະທິປະໄຕທີ່ຄວນໄດ້ຮັບການແກ້ໄຂ. ທ່ານ Kato ເນັ້ນໜັກວ່າ ຈີນ ບໍ່ມີສິດສ້າງຕັ້ງເວັບໄຊ ກ່ຽວກັບຜືນແຜ່ນດິນຂອງ ຍີ່ປຸ່ນ ຄືດັ່ງກ່າວ ພ້ອມທັງຖືວ່າ ຖະແຫຼງການອະທິປະໄຕຂອງປັກກິ່ງ ແມ່ນ “ບໍ່ອາດຍອມຮັບໄດ້”.