ຕອນບ່າຍວັນທີ 5 ຕຸລາ, ທ່ານປະທານາທິບໍດີສ.ປານາມາ José Raúl Mulino ແລະ ພັນລະຍາ ທ່ານນາງ Maricel Cohen De Mulino ມາຮ່າໂນ້ຍ, ເລີ່ມຕົ້ນການຢ້ຽມຢາມ ຫວຽດນາມຢ່າງເປັນທາງການແຕ່ວັນທີ 5 – 8 ຕຸລາ, ຕາມຄຳເຊື້ອເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໂຕເລິມ ແລະ ພັນລະຍາ.
ຕ້ອນຮັບຄະນະທີ່ສະໜາມບິນສາກົນ ໂນ້ຍບາຍ ມີທ່ານ ຮ່ວາງມາຍເຊີນ ລັດຖະມົນຕີກະຊວງສຶກສາ ແລະ ບຳລຸງສ້າງ, ທ່ານ ດັ້ງຮ່ວາງຢາງ ຮອງລັດຖະມົນຕີກະຊວງການຕ່າງປະເທດ, ທ່ານ ຫງວຽນວັນຫ໋າຍ ເອກອັກຄະລັດຖະທູດ ຫວຽດນາມ ປະຈຳ ເມັກຊີໂກ ທັງປະຈຳ ປານາມາ.
ຕາມທ່ານ ຫງວຽນວັນຫ໋າຍ ເອກອັກຄະລັດຖະທູດ ຫວຽດນາມ ປະຈຳ ເມັກຊີໂກ ທັງປະຈຳ ປານາມາ ແລ້ວ, ການຢ້ຽມຢາມ ຫວຽດນາມຢ່າງເປັນທາງການຂອງທ່ານ ປະທານາທິບໍດີສ.ປານາມາ José Raúl Mulino ມີຄວາມໝາຍສຳຄັນພິເສດຕໍ່ການພັດທະນາຂອງການພົວພັນ ຫວຽດນາມ ປານາມາ. ນີ້ແມ່ນການເຄື່ອນໄຫວແລກປ່ຽນຄະນະຜູ້ແທນຂັ້ນສູງສຸດລະຫວ່າງສອງປະເທດພາຍຫຼັງເວລາເກືອບ 15 ປີ, ນັບແຕ່ເວລາ ການຢ້ຽມຢາມ ຫວຽດນາມເມື່ອປີ 2012 ຂອງທ່ານ ປະທານາທິບໍດີສ.ປານາມາ Ricardo Martinelli, ພ້ອມທັງໄດ້ດຳເນີນ ພາຍຫຼັງພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນ ທາງການທູດລະຫວ່າງ ສອງປະເທດ (1975 - 2025).
