ພິ​ທີ​ສະ​ຫລີມ​ສະ​ຫລອງ 130 ປີ​ແຫ່ງວັນ​ກຳ​ມະ​ກອນ​ສາ​ກົນ ພາບ:laodong.com  (vovworld)- ຕອນ​ຄ່ຳ​ວັນທີ 1/5 ຢູ່ ຮ່າ​ໂນ້ຍ, ສະ​ຫະ​ພັນ​ໃຫຍ່ ແຮງ​ງານ ຫວຽດ​ນາມ ໄດ້​ຈັດ​ຕັ້ງ​ພິ​ທີ​ສະ​ຫລີມ​ສະ​ຫລອງ 130 ປີ​ແຫ່ງວັນ​ກຳ​ມະ​ກອນ​ສາ​ກົນ (1/5/1886-1/5/12016) ເພື່ອ​ທົບ​ທວນ​ຄືນ​ມູນ​ເຊື້ອ ແລະ ເສີມ​ຂະ​ຫຍາຍ​ບົດ​ບາດ​ອັນ​ໃຫຍ່​ຫລວງ​ຂອງ​ຊົນ​ຊັ້ນ​ກຳ​ມະ​ກອນ ຫວຽດ​ນາມ ໃນ​ພາ​ລະ​ກິດ​ສ້າງ​ສາ ແລະ ປົກ​ປັກ​ຮັກ​ສາ​ປ​ະ​ເທດ​ຊາດ. ກ່າວ​ຄຳ​ເຫັນ​ນະ​ພິ​ທີ, ທ່ານ​ນາງ ເຈືອງ​ທິ​ມາຍ, ກຳ​ມະ​ການ​ກົມ​ການ​ເມືອງ, ເລ​ຂາ​ສູນ​ກາງ​ພັກ, ຫົວ​ຫນ້າ​ຄະ​ນະ​ຂົນ​ຂ​ວາຍ​ປະ​ຊາ​ຊົນ​ສູນ​ກາງ ໄດ້​ຍ້ອງ​ຍໍ​ບັນ​ດາ​ຜົນ​ງານ, ຄວາມ​ກ້າວ​ຫນ້າ​ຂອງ​ຂະ​ບວນ​ການ​ກຳ​ມະ​ກອນ, ການ​ເຄື່ອນ​ໄຫວ​ຂອງ​ກຳ​ມະ​ບານ​ຫວຽດ​ນາມ ແລະ ເນັ້​ນ​ຫນັກ​ວ່າ: ອົງ​ການ​ກຳ​ມະ​ບານ ຫວຽດ​ນາມ ຄວນ​ສືບ​ຕໍ່​ປະ​ຕິ​ບັດ​ຫນ້າ​ທີ່ກໍ່​ສ້າງ​ຊົນ​ຊັ້ນ​ກຳ​ມະ​ກອນ​ໃຫ້​ສົມ​ກັບ​ກຳ​ລັງ​ຫລັກ​ແຫລ່ງ​ແກ່ນ​ສານ ນຳ​ຫນ້າ​ໃນ​ພາ​ລະ​ກິດ​ຫັນ​ປະ​ເທດ​ຊາດ​ເປັນ​ປະ​ເທດ​ອຸດ​ສາ​ຫະ​ກຳ ແລະ ທັນ​ສະ​ໄຫມ.