ປັດຈຸບັນ, ມວນມະນຸດພວມຢືນຢູ່ຕໍ່ໜ້າໄພອັນຕະລາຍ, ບັນດາການປະທະກັນຢູ່ພາກພື້ນ, ບັນດາໄພນາບຂູ່ກໍ່ການຮ້າຍ ແລະ ລັດທິຫົວຮຸນແຮງພວມເພີ່ມຂຶ້ນ. ລະບົບຄວບຄຸມອາວຸດພວມລົ້ມລະລາຍ, ເສດຖະກິດທົ່ວໂລກພວມຕົກເຂົ້າສູ່ສະພາບຂາດສະຖຽນລະພາບ.
ການນຳ ລັດເຊຍ ຖະແຫຼງວ່າ, ລັດເຊຍ ຈະສືບຕໍ່ມານະພະຍາຍາມຮັກສາແຜນການດຳເນີນງານຮ່ວມຮອບດ້ານກ່ຽວກັບໂຄງການນິວເຄຼຍ ອີຣານ, ຖືຂໍ້ຕົກລົງສາກົນສະບັບນີ້ ມີຄວາມສຳຄັນທີ່ສຸດຕໍ່ສະຖຽນລະພາບໃນທົ່ວໂລກ ແລະ ພາກພື້ນ.
ພ້ອມກັນນັ້ນ, ທ່ານປະທານາທິບໍດີ ລັດເຊຍ Vladimir Putin ຍັງຖືວ່າ: ສັນຕິພາບ ແລະ ຄວາມໝັ້ນຄົງໃນໂລກ ແມ່ນອີງໃສ່ການພົວພັນລະຫວ່າງ ລັດເຊຍ ແລະ ອາເມລິກາ.
