ທ່ານນາງຮອງປະທານປະເທດ ດັ້ງທິງອັກທິ້ງ ກ່າວຄຳເຫັນທີ່ພິທີ (ພາບ:TTXVN)

ກ່າວຄຳເຫັນນະທີ່ນີ້, ທ່ານນາງຮອງປະທານປະເທດ ດັ້ງທິງອັກທິ້ງ ຢັ້ງຢືນວ່າ ພັກ ແລະ ລັດ ຍາມໃດກໍເອົາໃຈໃສ່, ມີບັນດາແຜນນະໂຍບາຍ, ນະໂຍບາຍເພື່ອຊຸກຍູ້ຂະແໜງກະສິກຳ, ພັດທະນາຊົນນະບົດ. ທ່ານນາງເນັ້ນໜັກວ່າ ຄວາມຈິງໄດ້ສະແດງໃຫ້ເຫັນວ່າ, ກະສິກຳ ຍາມໃດກໍ່ສວມບົດບາດເປັນ “ແປ້ນຄ້ຳຊູ” ຂອງພື້ນຖານເສດຖະກິດໃນທຸກສະໄໝ, ໂດຍສະເພາະແມ່ນໄລຍະເກີດວິກິດການດ້ານເສດຖະກິດ ແລະ ຖືກຜົນສະທ້ອນຈາກັໂລກລະບາດໂຄວິດ - 19 ໃນທົ່ວໂລກ. ເສດຖະກິດຊົນນະບົດພັດທະນາຕາມທິດຍົກສູງມູນຄ່າການຜະລິດ, ພັດທະນາອຸດສາຫະກຳ, ການບໍລິການຊົນນະບົດ; ໂຄງປະກອບພື້ນຖານໂຄງລ່າງຊົນນະບົດ ໄດ້ຮັບການເພີ່ມທະວີ, ໂດຍສະເພາະແມ່ນການຄົມມະນາຄົມ, ຊົນລະປະທານ; ຊີວິດທາງດ້ານວັດຖຸ ແລະ ຈິດໃຈຂອງປະຊາຊົນຢູ່ເຂດຊົນນະບົດ ນັບມື້ນັບໄດ້ຮັບການປົວແປງໃຫ້ດີຂຶ້ນ.