ໃນການດຳລົງຊີວິດຍຸກທັນສະໄໝ, ແທນທີ່ເລືອກເອົາບັນດາເຂດລະຫຼິ້ນບັນເທີງທີ່ຟົດຟື້ນ, ຫຼາຍຄອບຄົວ ແລະ ບັນດາເພື່ອນໜຸ່ມພວມມີທ່າອ່ຽງ ໄປຢ້ຽມຊົມຫໍພິພິທະພັນ. ນີ້ບໍ່ພຽງແຕ່ການເຄື່ອນໄຫວ ຢ້ຽມຊົມທັດສະນະສຶກສາເທົ່ານັ້ນ ຫາກຍັງແມ່ນການເດີນທາງຄົ້ນຫາລວງເລິກຂອງມໍລະດົກແຫ່ງທີ່ບັນດາຄຸນຄ່າປະຫວັດສາດ ແລະ ຄວາມງາມປານີດຂອງຊາດໄດ້ຮັບການຮັກສາໄວ້ເໝືອນເດີມ.
ຫໍພິພິທະພັນວິຈິດສິນ ຫວຽດນາມ ດ້ວຍງານວາງສະແດງ “ສີສັນວັດທະນະທຳ” ໄດ້ກາຍເປັນຈຸດນັດພົບທີ່ສ້າງແຫຼ່ງບັນດາໃຈ ແລະ ດຶງດູດມວນຊົນຢ່າງຫຼວງຫຼາຍ. ນີ້ແມ່ນເທື່ອທີ່ສອງ ທີ່ຫໍພິພິທະພັນວິຈິດສີນ ຫວຽດນາມ ສົມທົບກັບຫໍພິພິທະພັນ ກິ໊ງຮວາ ໃນຄວາມມານະພະຍາຍາມແນະນຳມໍລະດົກວັດທະນະທຳ ທີ່ມີຄຸນຄ່າເຖິງມວນຊົນ. ງານວາງສະແດງໄດ້ແນະນຳວັດຖຸພັນ 130 ຢ່າງ ຂອງຫໍພິພິທະພັນ ກິ໊ງຮວາ ພິເສດໃນນັ້ນ ຕ້ອງເວົ້າເຖິງວັດຖຸພັນ 4 ຢ່າງ ໄດ້ຮັບການຮັບຮອງຈາກນາຍຍົກລັດຖະມົນຕີ ເປັນຂອງປະເສີດແຫ່ງຊາດ ເມື່ອປີ 2025. ທ່ານ ຫງວຽນຕ໊ວນເກື່ອງ ຢູ່ຕາແສງ ເກົ່າເຢິ໊ຍ ຮ່າໂນ້ຍ ໃຫ້ຮູ້ວ່າ:
“ເຮົາຮູ້ສຶກມີຄວາມສັກສິດໃນມື້ນີ້. ທີ່ຈິງແລ້ວເຮົາໄດ້ຮັບຊົມຜ່ານປຶ້ມໜັງສືພິມຫຼາຍແລ້ວ. ແຕ່ມື້ນີ້ໄດ້ຮັບຊົມໂດຍກົງໄດ້ເຫັນຢ່າງຈະແຈ້ງແຈ້ງ ກ່ຽວກັບວັດຖະພັນຄື ຄ້ອງບ້າງ, ແຕ່ລະໄຍະກໍ່ຈະມີບັນດາລວດາຍທີ່ແຕກຕ່າງກັນ. ຍ້ອນເຫດນີ້ເອງເຮົາກໍ່ຊົມຊອບທີ່ສຸດ ເຮົາມີຄວາມປະທັບໃຈຕໍ່ສັດປະເພດຕ່າງໆຢູ່ໜ້າຄ້ອງບ້າງ ມີຄວາມໃກ້ຊິດສະໜິດສະໜົມກັບການດຳລົງຊີວິດ”.
ມາຢ້ຽມຊົມງານວາງສະແດງ, ແຂກທ່ອງທ່ຽວມີໂອກາດໄດ້ຮັບຊົມເຄືີອງຂອງບູຮານຫຼາຍຢ່າງທີ່ມີຄຸນຄ່າ. ວັດຖຸພັນເຫຼົ່ານີ້ຖືກຈັດສັນຜ່ານສາມເຂດວາງສະແດງຫຼັກ ລວມມີພື້ນຖານອະລິຍະທຳ ດົງເຊີນ; ອະລິຍະທຳ ດ້າຍຫວຽດ; ອະລິຍະທຳ ຈຳປາ ໃນນັ້ນເຂດອະລິຍະທຳ ດົງເຊີນ ໄດ້ແນະນຳວັດຖຸພັນໃນໄລຍະປະຫວັດສາດນີ້ ຄື ໂຄມໄຟ, ລະຄັງທອງ, ມີດ… ເຊິ່ງໄດ້ສ່ອງແສງລະດັບຫຼອມໂລຫະ ແລະ ຊີວິດປະຈຳວັນທີ່ອຸດົມສົມບູນ. ເຂດອະລິຍະທຳ ດ້າຍຫວຽດ ໄດ້ແນະນຳບັນດາວັດຖຸພັນເຄື່ອງປັ້ນດິນເຜົາເຄືອບທີ່ລະອຽດອ່ອນ. ຊຸດກາປະທັບທອງ ໃນສະໄໝລາດຊະວົງ ເລ, ພ້ອມກັບຮູບປັ້ນເຈົ້າຊີວິດ ຫຼີແທັງຕົງ, ບັນດາຂີດໝາຍທີ່ພົ້ນເດັ່ນ ໃຫ້ແກ່ການພັດທະນາຂອງປະເທດ ດ້າຍຫວຽດ… ອ້າຍ ຫວຽນຈຸງດຶກ ຢູ່ຕາແສງ ຮວ່ານກ໊ຽມ ຮ່າໂນ້ຍ ໃຫ້ຮູ້ວ່າ:
“ຢູ່ທີ່ນີ້ມີວັດຖຸພັນຫຼາຍຢ່າງ, ປະທັບໃຈທີ່ສຸດສຳລັບເຮົາ ແມ່ນຊຸດໂຄມໄຟເປັນສັນຍາລັກຂອງວັດທະນະທຳ ດົງເຊີນ, ຊຸດລະຄັງ ແລະ ບາງວັດຖຸພັນສະໄໝຈຳປາ ເຊິ່ງໄດ້ຊ່ວຍໃຫ້ຜູ້ຊົມເພີ່ມຄວາມເຂົ້າໃຈກ່ຽວກັບວັດທະນະທຳປະເພນີ ບັນດາຄຸນຄ່າປະຫວັດສາດເມື່ອກ່ອນນີ້”.
ສຳລັບຫຼາຍຄອບຄົວທີ່ມີລູກນ້ອຍ, ນີ້ກໍ່ແມ່ນໂອກາດທີ່ຫາຍາກເພື່ອໃຫ້ພໍ່ແມ່ພ້ອມກັບລູກມາຢ້ຽມຊົມຊອກຮູ້ ກ່ຽວກັບຂໍ້ມູນຂ່າວສານປະຫວັດສາດ ຜ່ານບັນດາວັດຖຸພັນທີ່ຄຸນຄ່າ ແລະ ຫາຍາກ. ນາງ ດັ້ງທິຮວ່ຽນ ຢູ່ ຮ່າດົງ ຮ່າໂນ້ຍ ໃຫ້ຮູ້ວ່າ:
“ນ້ອງກໍ່ຢາກໃຫ້ລູກນ້ອຍເພີ່ມຄວາມເຂົ້າໃຈກ່ຽວກັບບັນດາຂໍ້ມູນຂ່າວສານຕື່ມອີກ ເຊິ່ງເປັນການຊ່ວຍລູກເຕົ້າເພີ່ມຄວາມຮັກບ້ານເກີດເມືອງນອນປະເທດຊາດ”.
ສຳລັບບັນດາເພື່ອນໜຸ່ມການມາຢ້ຽມຊົມງານວາງສະແດງກໍ່ແມ່ນເວລາທີ່ເປັນໜ້າຈັບໃຈ ເພື່ອສາມາດເຫັນດ້ວຍຕາບັນດາລວດລາຍຄຸນຄ່າວັດທະນະທຳຖືກຮັກສາໄວ້ ໃນວັດຖຸພັນແຕ່ລະຢ່າງ
“ບັນດາວັດຖຸພັນເຄື່ອງປັ້ນດິນເຜົາຍັງຖືກຮັກສາໄວ້ເໝືອນເດີມ. ສຳລັບບັນດາວັດຖຸພັນທີ່ເປັນຂອງປະເສີດແຫ່ງຊາດ, ນ້ອງເຫັນວ່າບັນດາວຽກງານແນະນຳ ແລະ ອະນຸລັກ ແມ່ນດີທີ່ສຸດ”.
ຜ່ານວັດຖຸພັນແຕ່ລະຢ່າງ ມວນຊົນສາມາດເຫັນຮູບພາບຫຼາກຫຼາຍສີສັນຂອງວັດທະນະທຳ ຫວຽດນາມ ມີລັກສະນະເກົ່າແກ່ ແຕ່ຍັງຄົງເຕັມໄປດ້ວຍພະລັງຊີວິດ. ເພື່ອບໍ່ໃຫ້ພາດໂອກາດຊອກຫາບັນດາຄຸນຄ່າເໝືອນເດີມເຫຼົ່ານີ້, ແຂກທ່ອງທ່ຽວຄວນແວ່ຢາມຫໍພິພິທະພັນວິຈິດສິນ ຫວຽດນາມ ເພື່ອຈະໄດ້ເຊື່ອມຕໍ່ກັບກົກເຄົ້າເຫງົ້າກໍ.
