(VOVWORLD) - ຢູ່ເມືອງ ດັກດວາ, ແຂວງ ຢາລາຍ ມີນິຄົມກະເສດ ປູກ ແລະ ສົ່ງອອກສະເພາະແຕ່ຜະລິດຕະພັນກະເສດ ດ້ວຍຜະລິດຕະພັນຕົ້ນຕໍແມ່ນກ້ວຍ ໄດ້ນຳມາເຊິ່ງປະສິດທິຜົນດ້ານເສດຖະກິດສູງ ແລະ ສ້າງວຽກເຮັດງານທຳໃຫ້ແຮງງານຢູທ້ອງຖິ່ນຫຼາຍຄົນ. ພົ້ນເດັ່ນແມ່ນ ນິຄົມກະເສດປູກຕົ້ນກ້ວຍແກ່ຫອມ ນາມໝີ້ ໝູນໃຊ້ເຕັກໂນໂລຊີສູງຂອງບໍລິສັດຫຸ້ນສ່ວນອຸດສາຫະກຳເຕັກໂນໂລຊີສູງ ຮືງເຊີນ.

(VOVWORLD) - ໝູ່ບ້ານຜະລິດເຄື່ອງປັ້ນດິນເຜົາ ບຽນຮ່ວາ (ແຂວງ ດົ່ງນາຍ) ແມ່ນໜື່ງໃນບັນດາໝູ່ບ້ານຜະລິດເຄື່ອງປັ້ນດິນເຜົາທີ່ມີຊື່ສຽງ ດ້ວຍບັນດາຜະລິດຕະພັນເຄື່ອງປັ້ນດິນເຜົາພິເສດ ແລະ ຫຼາຍຮູບຫຼາຍແບບ. ແຕ່ທ້າຍສັດຕະວັດທີ XIX ມາຮອດປະຈຸບັນ, ເຄື່ອງປັ້ນດິນເຜົາ ບຽນຮ່ວາ ມີຊື່ສຽງໃນທົ່ວໂລກ ດ້ວຍບັນດາຜະລິດຕະພັນທີ່ໄດ້ຮັບຖືວ່າມີຄ່າ, ຫາຍາກ, ພິເສດແມ່ນສຳລັບຜູູ້ທີ່ມີຄວາມເມົາມົວສະສົມເຄື່ອງປັ້ນດິນເຜົາບູຮານ.

(VOVWORLD) -  ບໍ່ມີບັນຍາກາດຄຶກຄື້ນ, ຟົດຟື້ນຄືຢູ່ບັນດານະຄອນ, ລະດູບານໃໝ່ຢູ່ບັນດາໝູ່ບ້ານເຂດພູດອຍມີຄວາມງາມທີ່ແຕກຕ່າງ. ນັ້ນແມ່ນຄວາມງາມຂອງພະລັງຊີວິດອັນແຮງກ້າ, ເຕັມໄປດ້ວຍສີສັນທີ່ເປັນແບບທຳມະຊາດ, ພູຜາ ແລະ ປຊຊ ເຂດພູສູງ. ລະດູບານໃໝ່ໄດ້ວຽນມາໃນບ້ານກາ ແຫ່ງສະຫງົບສຸກ, ລຽບງ່າຍ ແລະ ຊີວິດການເປັນຢູ່ຂອງ ປຊຊ ຢູ່ທີ່ນີ້ ມີໂສມໜ້າໃໝ່, ອີ່ມໜຳສຳລານ, ສົມບູນພູນສຸກຂຶ້ນຕາມແຕ່ລະມື້.

(VOVWORLD) - ໃນເຂດພູສູງທາງທິດຕາເວັນຕົກສ່ຽງເໜືອ ຫວຽດນາມ, ຕະຫຼາດນັດຍາມລະດູບານໃໝ່ ໄດ້ກາຍເປັນຈຸດວັດທະນະທຳທີ່ບໍ່ສາມາດຂາດໄດ້ຂອງບັນດາຊາວເຜົ່າສ່ວນໜ້ອຍຢູ່ທີ່ນີ້. ເມື່ອລະດູບານໃໝ່ວຽນມາ, ຢູ່ເຂດບ້ານນາທີ່ຫ່າງໄກ, ປຊຊ ໄດ້ໂຈະທຸກວຽກງານ, ພ້ອມກັນລົງຕະຫຼາດນັດ. ຕະຫຼາດນັດຕ່າງໆບໍ່ພຽງແຕ່ແມ່ນບ່ອນຊື້ເຄື່ອງຂອງຍາມບຸນເຕັດເທົ່ານັ້ນ, ຫາກຍັງແມ່ນແຫ່ງພົບປະແລກປ່ຽນວັດທະນະທຳ, ຈຸດນັດພົບຂອງບັນດາຄູ່ບ່າວສາວອີກດ້ວຍ. ຕໍ່ໄປ ເຊີນທ່ານພ້ອມກັບນັກຂ່າວວິທະຍຸກະກຈາຍສຽງ ຫວຽດນາມ ເຂົ້າຮ່ວມຕະຫຼາດນັດຍາມລະດູບານໃໝ່ເຂດພູສູງຢູ່ແຂວງ ລາວກາຍ.

(VOVWORLD) - ຢູ່ໝູ່ບ້ານວັດທະນະທຳການທ່ອງທ່ຽວເຂດຊຸມຊົນ ກວິ່ງເຊີນ, ຂຶ້ນກັບເມືອງ ບັກເຊີນ, ແຂວງ ລ້າງເຊີນ ມີບ້ານນັບຮ້ອຍຫຼັງທີ່ມີສະຖາປັດຕະຍາກຳຄືກັນ ຊື່ງທຸກຫຼັງລ້ວນແຕ່ໄດ້ຫັນໄປທິດດຽວ. ເມື່ອມາແຫ່ງນີ້, ແຂກທ່ອງທ່ຽວຈະໄດ້ຮັບຊົມທິວທັດທຳມະຊາດງາມດັ່ງໃນຝັນ, ສະຫງົບງຽບ ແລະ ຄົ້ນຫາບັນດາຈຸດວັດທະນະທຳພິເສດສະເພາະຂອງຊາວຊົນເຜົ່າ ໄຕ່.

(VOVWORLD) - ນ້ຳປາພື້ນເມືອງຂອງໝູ່ບ້ານ ນາມໂອ ມີຊື່ສຽງດ້ວຍລົດຊາດຫອມແຊບ, ກົມກ່ອມດີ, ແຕ່ດົນນານມາແລ້ວໄດ້ກາຍເປັນລົດຊາດທີ່ບໍ່ສາມາດຂາດໄດ້ໃນໂອກາດບຸນເຕັດ. ໃນຊຸມມື້ນີ້, ໝູ່ບ້ານຜະລິດນ້ຳປາພື້ນເມືອງ ນາມໂອ ຢູ່ຕາແສງ ຮ່ວາຮຽບນາມ, ເມືອງ ລຽນຈຽວ, ນະຄອນ ດ່ານັງ ໄດ້ຟ້າວຟັ່ງກັບລະດູຜະລິດຍາມບຸນເຕັດປະຈຳຊາດ, ປີມະເສັງ.

(VOVWORLD) - ໝູ່ບ້ານອາຊີບ ແຈັກຊາ, ຕາແສງ ຮ່ວາເລີມ, ເມືອງ ອຶງຮ່ວາ, ຮ່າໂນ້ຍ ມີຊື່ສຽງດ້ວຍອາຊີບຕັດເສື້ອຍາວພື້ນເມືອງທີ່ມີອາຍຸກ່ວາ 1.000 ປີແລ້ວ. ຄົນລຸ້ນຕ່າງໆໃນໝູ່ບ້ານ ໄດ້ສືບທອດກັນມາດ້ວຍບັນດາເຕັກນິກ, ເຄັດລັບສະເພາະ ຊື່ງໄດ້ສ້າງເປັນເຄື່ອງໝາຍເສື້ອຍາວ ແຈັກຊາ ນັບແຕ່ດົນນານມາແລ້ວ. ຫວ່າງແລ້ວນີ້, ອາຊີບຕັດເສື້ອຍາວຂອງໝູ່ບ້ານ ແຈັກຊາ ເປັນກຽດໄດ້ຮັບນາມມະຍົດມໍລະດົກວັດທະນະທຳບໍ່ເປັນວັດຖຸແຫ່ງຊາດ.

(VOVWORLD) - ແຂວງ ດັກລັກ ຫາກໍ່ມີມໍລະດົກວັດທະນະທຳບໍ່ເປັນວັດຖຸແຫ່ງຊາດໜຶ່ງໄດ້ຮັບຮູ້ຕື່ມອີກ, ນັ້ນແມ່ນອາຊີບຜະລິດເຄື່ອງປັ້ນດິນເຜົາຫັດຖະກຳພື້ນເມືອງຂອງຊາວເຜົ່າ ມະນົງ ຣະລຳ, ຕາແສງ ຢາງຕາວ, ເມືອງ ລັກ, ແຂວງ ດັກລັກ. ເລື່ອງ ອາຊີບຜະລິດເຄື່ອງປັ້ນດິນເຜົາໄດ້ຮັບຮູ້ແມ່ນມໍລະດົກວັດທະນະທຳບໍ່ເປັນວັດຖຸແຫ່ງຊາດ ໄດ້ເປີດຫຼາຍໂອກາດຕື່ມອີກໃຫ້ແກ່ການອະນຸລັກຮັກສາ, ພັດທະນາອາຊີບຜະລິດເຄື່ອງປັ້ນດິນເຜົາຂອງຊາວເຜົ່າ ມະນົງ ຣະລຳ.

(VOVWORLD) - ໝູ່ບ້ານອາຊີບຕີເງິນ ເວ້ລາຍ ຢູ່ຕາແສງ ຝູອູງ, ເມືອງ ເອີນທີ, ແຂວງ ຮຶງອຽນ ແມ່ນໜຶ່ງໃນບັນດາໝູ່ບ້ານອາຊີບຕີເງິນທີ່ມີຊື່ສຽງຂອງ ຫວຽດນາມ ດ້ວຍບັນດາຜະລິດຕະພັນພິເສດສະເພາະ ແລະ ຍອດຍິ່ງ.

(VOVWORLD) -    ແຕ່ດົນນານມາແລ້ວ, ອາຊີບຊ່າງໄມ້ ໄດ້ກາຍເປັນວຽກງານທີ່ທຳມາຫາກິນໄດ້ດີຂອງ ປຊຊ ຫຼາຍຄົນຢູ່ບັນດາແຂວງທາງທິດຕາເວັນຕົກພາກໃຕ້ ຫວຽດນາມ. ເຖິງວ່າ ນີ້ແມ່ນວຽກງານຮຽກຮ້ອງຄວາມລະອຽດລະອໍ, ຄ່ອງແຄ້ວ ແລະ ຜ່ານຜ່າໄລຍະເວລາອັນລຳບາກແນວໃດກໍ່ຕາມ, ບັນດານາຍຊ່າງຢູ່ທີ່ນີ້ ຍັງຢຶດໝັ້ນເດີນຕາມອາຊີບນີ້ເປັນປະຈຳວັນ ເພື່ອຜະລິດບັນດາຜະລິດຕະພັນພິເສດສະເພາະ, ປະກອບສ່ວນຮັກສາອາຊີບ, ຖ່າຍທອດໃຫ້ແກ່ຄົນລຸ້ນຫຼັງ.