ຕາມນັ້ນແລ້ວ, ທ່ານລັດຖະມົນຕີການຄ້າອາເມລິກາ ໄດ້ແຈ້ງຄຳສັ່ງລົງໂທດໃໝ່ກັບອົງການພະລັງງານປະລະມານູອີຣານ ກໍ່ຄືຫົວໜ້າຂອງອົງການດັ່ງກ່າວ. ນີ້ໄດ້ຮັບຖືວ່າແມ່ນການກະທຳທີ່ອາດຈະສົ່ງຜົນກະທົບເຖິງໂຄງການພັດທະນາພະລັງງານປະລະມານູພົນລະເຮືອນຂອງອີຣານ. ແຕ່ເຖິງຢ່າງໃດກໍ່ຕາມ, ອາເມລິກາ ກໍ່ຕໍ່ກຳນົດເວລາ 60 ວັນສຳລັບເລື່ອງຍົກເລີກບາງຄຳສັ່ງລົງໂທດ ເພື່ອແນໃສ່ຊຸກຍູ້ວິວັດທະນາການຕິດຕາມກວດກາການເຄື່ອນໄຫວປອດນິວເຄຼຍຂອງອີຣານ.

ແລະກໍ່ໃນວັນດຽວກັນ, ສຳນັກຂ່າວສານ Fars ຂອງອີຣານ ໄດ້ຄັດຄຳເວົ້າຂອງທ່ານ Behrouz Kamalvandi, ໂຄສົກອົງການພະລັງງານປະລະມານູອີຣານ ໂດຍຢືນຢັນວ່າ, ເຕເຮຣານ ຈະສືບຕໍ່ພັດທະນາໂຄງການນິວເຄຼຍຂອງປະເທດນີ້ ໂດຍບໍ່ຫົວຊາຕໍ່ຄຳສັ່ງລົງໂທດຂອງອາເມລິກາ.