ຄາດວ່າ, ທ່ານ Donald Trump, ປະທານາທິບໍດີ ອາເມລິກາ ຈະໄປ ຈີນ ໃນອາທິດນີ້ ເພື່ອດຳເນີນການເຈລະຈາກັບທ່ານ ສິຈິ້ນຜິງ, ປະທານປະເທດ ຈີນ ໃນສະພາບຄວາມເຄັ່ງຕຶງຢູ່ ຕາເວັນອອກກາງ ສືບຕໍ່ເພີ່ມຂຶ້ນ ແລະ ລາຄາພະລັງງານທົ່ວໂລກເພີ່ມຂຶ້ນຢ່າງແຮງຍ້ອນການປະທະກັນກ່ຽວຂ້ອງເຖິງ ອີຣານ. ການໄປປະຕິບັດງານຂອງທ່ານ Donald Trump ຄັ້ງນີ້ ຄາດວ່າຈະຈັດຂຶ້ນແຕ່ວັນທີ 14 – 15 ພຶດສະພາ ແລະ ໄດ້ຮັບການຕີລາຄາວ່າ ແມ່ນໜຶ່ງໃນບັນດາການພົບປະສຳຄັນທີ່ສຸດລະຫວ່າງການນຳ 2 ພື້ນຖານເສດຖະກິດໃຫຍ່ທີ່ສຸດໃນໂລກ.
ວົງການນັກໄຈ້ແຍກຖືວ່າ ບຸລິມະສິດແຖວໜ້າຂອງ ວໍຊິງຕັນ ໃນປະຈຸບັນແມ່ນ ຊອກຫາການໜູນຊ່ວຍຂອງ ປັກກິງ ເພື່ອກໍ່ຄວາມກົດດັ່ນຕໍ່ ອີຣານ ເພື່ອເປີດຊ່ອງແຄບທະເລ Hormuz ຢ່າງສິ້ນເຊິ່ງ. ນອກຈາກບັນຫາອີຣານ, ຄາດວ່າ ຍັງມີຫຼາຍໂຄງການດຳເນີນງານກ່ຽວຂ້ອງເຖິງຫົວຂໍ້ອື່ນຄື: ພາສີອາກອນ, ດິນປະເສີດ, ອະນາຄົດການພົວພັນເສດຖະກິດ ອາເມລິກາ - ຈີນ.
