ວັນທີ 10 ພຶດສະພາ, ທ່ານ Yuri Ushakov, ຜູ້ຊ່ວຍວຽກຂອງປະທານາທິບໍດີ ລັດເຊຍ ໃຫ້ຮູ້ວ່າ ປະຈຸບັນ, ສະພາບການເຈລະຈາ 3 ຝ່າຍກ່ຽວຂ້ອງເຖິງການປະທະກັນ ຢູແກຼນ ຍັງບໍ່ທັນມີບາດກ້າວຄືບໜ້າໃໝ່, ໃນຂະນະທີ່ຍັງບໍ່ທັນມີຂໍ້ຕົກລົງໃດກ່ຽວກັບການຕໍ່ກຳນົດເວລາຄຳສັ່ງຢຸດຍິງເນື່ອງໃນໂອກາດວັນໄຊຊະນະ.
ຕາມທ່ານນີ້ແລ້ວ, ຜູ້ຕາງໜ້າ ລັດເຊຍ ແລະ ອາເມລິກາ ໄດ້ດຳເນີນການໂອ້ລົມທາງໂທລະສັບໃນເວລາ 2 ວັນ ເພື່ອປຶກສາຫາລືກ່ຽວກັບກົນໄກຢຸດຍິງທີ່ແກ່ຍາວແຕ່ວັນທີ 09 – 11 ພຶດສະພາ ເນື່ອງໃນໂອກາດພິທີສະເຫຼີມສະຫຼອງວັນໄຊຊະນະ (09 ພຶດສະພາ). ເຖິງຢ່າງໃດກໍ່ຕາມ, ທ່ານຢືນຢັນວ່າ ປະຈຸບັນ, ການເຈລະຈາພວມຖືກຂາດວັກຂາດຕອນ, ຍັງບໍ່ທັນມີຂໍ້ຕົກລົງກ່ຽວກັບຮອບເຈລະຈາຄັ້ງຕໍ່ໄປ ແລະ ບັນດາຝ່າຍຕ້ອງກຳນົດແຈ້ງເປົ້າໝາຍ ແລະ ບາດກ້າວຜັນຂະຫຍາຍລະອຽດໃນຮອບເຈລະຈາຄັ້ງຕໍ່ໄປ, ພິເສດແມ່ນຝ່າຍ ຢູແກຼນ.
ຄຳສັ່ງຢຸດຍິງ ລັດເຊຍ - ຢູແກຼນ ແກ່ຍາວແຕ່ວັນທີ 09 – 11 ພຶດສະພາ ສິ້ນສຸດຖືກຕາມກຳນົດເວລາ ແຕ່ຍັງບໍ່ທັນມີຂໍ້ຕົກລົງຕໍ່ກຳນົດເວລາຕໍ່ໄປ. ບັນດາຝ່າຍລ້ວນແຕ່ໃຫ້ສັນຍານປະຫວ່າງຄວາມສາມາດເຊື່ອມຕໍ່ການເຈລະຈາ 2 ຝ່າຍ ແຕ່ຫຼັກໝັ້ນ ແລະ ເງື່ອນໄຂຂອງ 2 ຝ່າຍຍັງມີຄວາມແຕກຕ່າງຫຼາຍພໍສົມຄວນ.
