ວັນທີ 10 ພຶດສະພາ, ເຈົ້າໜ້າທີ່ການຕ່າງປະເທດ ອີຣານ ໄດ້ກ່າວເຕືອນເລື່ອງ ຝລັ່ງ ແລະ ອັງກິດ ຈັດສົ່ງກຳປັ່ນຮົບມາຍັງຊ່ອງແຄບທະເລ Hormuz, ແມ່ນບາດກ້າວປິນຂັ້ນໄດ ອາດຈະເຮັດໃຫ້ວິກິດການເພີ່ມຂຶ້ນ. ການກະທຳໄດ້ຍົກອອກມາໃນສະພາບການຢູ່ພາກພື້ນຍັງມີການຜັນແປທີີ່ຍັງສັບສົນພໍສົມຄວນ, ເມື່ອປະເທດເຂດ ອ່າວ ສືບຕໍ່ລາຍງານກ່ຽວກັບການກະທຳບຸກໂຈມຕີເປັນປໍລະປັກຈາກຝ່າຍນອກ. ຄຳກ່າວເຕືອນໂດຍທ່ານ Kazim Gharibabadi, ລັດຖະມົນຕີການຕ່າງປະເທດ ອີຣານ ຍົກອອກມາໃນບົດຂຽນເອົາລົງທາງສື່ສັງຄົມ X. ທ່ານຢືນຢັນວ່າ ເລື່ອງຜັນຂະຫຍາຍກຳປັ່ນຮົບບໍ່ວາລຳໃດມາຊ່ອງແຄບ Hormuz ໃນນາມປົກປ້ອງກຳປັ່ນ, ລ້ວນແຕ່ເຮັດໃຫ້ຄວາມເຄັ່ງຕຶງເພີ່ມຂຶ້ນ, ຍ້ອນຕ້ອງປະເຊີນໜ້າກັບປະຕິກິຕິຍາຢ່າງຂ້ຽວຂາດ ແລະ ໃນທັນທີຈາກບັນດາກຳລັງປະກອບອາວຸດ ອີຣານ.
ໃນວັນດຽວກັນ, ທ່ານ Ali Abdollahi, ຫົວໜ້າກອງບັນຊາການສູນກາງ Khatam al-Anbiya ຂອງກອງທັບ ອີຣານ, ໄດ້ພົບປະກັບຜູ້ນຳສູງສຸດ Mojtaba Khamenei ແລະ ໄດ້ຮັບການຊີ້ນຳ ແລະ ແນະນຳໃໝ່ເພື່ອດຳເນີນບັນດາການເຄື່ອນໄຫວດ້ານການທະຫານ. ໃນການພົບປະ, ທ່ານ Ali Abdollahi ຢືນຢັນຄຳໝັ້ນສັນຍາຂອງກຳລັງປະກອບອາວຸດ ອີຣານ, ພ້ອມແລ້ວຈະປະເຊີນໜ້າກັບບໍ່ວ່າການກະທຳທີ່ເປັນປໍລະປັກໃດໆ.
