ວັນທີ 2 ກັນຍາ, ກະຊວງສາທາລະນະສຸກ ສາທາລະນະລັດ ປະຊາທິປະໄຕ ກົງໂກ ໃຫ້ຮູ້ວ່າ ຈຳນວນຜູ້ເສຍຊີວິດຍ້ອນໂລກລະບາດ Ebola ຢູ່ປະເທດນີ້ໄດ້ຂຶ້ນສູງກາຍ 3000 ຄົນ. ທ່ານ ປ.ອ Jean-Jacques Muyembe, ຜູ້ອຳນວຍການໃຫຍ່ ສະຖານບັນການຄົ້ນຄ້ວາການແພດຊີວະສາດ ແຫ່ງຊາດ ຂຶ້ນກັບກະຊວງສາທາລະນະສຸກ ກົງໂກ ໃຫ້ຮູ້ວ່າ ອົງການການແພດຂອງປະເທດນີ້ໄດ້ຢັ້ງຢືນຈຳນວນຜູ້ເສຍຊີວິດ 3007 ຄົນໃນຈຳນວນຜູ້ຕິດເຊື້ອພະຍາດ Ebola ທັງໝົດ 6.186 ຄົນຢູ່ 6 ແຂວງ, ທຽບເທົ່າກັບອັດຕາເສຍຊີວິດເກືອບ 50%. ບັ້ນການລະບາດ Ebola ຄັ້ງຫຼ້າສຸດໄດ້ປະກາດຢູ່ ກົງໂກ ໃນກາງເດືອນພຶດສະພາ 2026. ທ່ານປ.ອ ຢັ້ງຢືນວ່ານີ້ແມ່ນບັ້ນລະບາດທີ່ມີຄວາມໄວສູງ ແລະ ມີອັດຕາຜູ້ເສຍຊີວິດສູງແບບທີ່ບໍ່ເຄີຍມີມາກ່ອນຢູ່ປະເທດນີ້.
