ວັນທີ 1 ກັນຍາ, ໂຄງການ “ແລວທາງການຄ້າ ເຂດດິນຕໍ່ແຜ່ນ - ທະເລສາກົນໃໝ່” ເລີ່ມຕົ້ນຢູ່ນະຄອນ ໜາມໜິງ, ແຂວງ ກວ໋າງຊີ, ຈີນ. ຄະນະລວມມີນັກຂ່າວທີ່ມາຈາກບັນດາອົງການສື່ມວນຊົນ ອາຊຽນຄື: ຫວຽດນາມ, ລາວ, ກຳປູເຈຍ, ໄທ, ພິເສດແມ່ນເຂດປົກຄອງພິເສດ ຮົ່ງກົງ, ມາເກົາ (ຈີນ) ເຂົ້າຮ່ວມ.
ໃນຂອບເຂດການເດີນທາງໄປຕົວຈິງ, ຄະນະຂອງບັນດາອົງການສື່ມວນຊົນຕ່າງປະເທດມີການເດີນທາງໄປທັດສະນະ, ຊອກຮູ້ກ່ຽວກັບການພັດທະນາຂອງແຂວງ ກວ໋າງຊີ; ໃນນັ້ນມີບົດບາດຂອງໂຄງການຄອງເໝືອງ ຜິງລູ້, ມີຄວາມຍາວກວ່າ 134 ກີໂລແມັດເຊື່ອມຕໍ່ເສັ້ນທາງທະເລສາກົນ ທາງທິດໃຕ້ກັບ ເຂດອ່າວໂຕນກິນ, ນອນຢູ່ທີ່ຕັ້ງສຳຄັນໃນການຊຸກຍູ້ການແລກປ່ຽນຄ້າຂາຍລະຫວ່າງ ຈີນ ແລະ ອາຊຽນ.
ໃນເດືອນກັນຍານີ້, ຄອງເໝືອງ Pinglu, ໂຄງການຫຼັກຂອງ ແລວທາງການຄ້າ ເຂດດິນຕໍ່ແຜ່ນ - ທະເລສາກົນໃໝ່ ຄາດວ່າຈະນຳເຂົ້າເຄື່ອນໄຫວຢ່າງເປັນທາງການ. ຄອງເໝືອງນີ້ຍາວກວ່າ 134 ກີໂລແມັດ ສ້າງເປັນເສັ້ນທາງນ້ຳສັ້ນທີ່ສຸດນັບແຕ່ເຂດພາຍໃນຂອງຈີນ ອອກໄປຫາບັນດາປະເທດອາຊຽນ. ນອກຈາກນັ້ນ, ກໍ່ຊ່ວຍຫຼຸດຜ່ອນຄ່າໃຊ້ຈ່າຍໃນການຂົນສົ່ງສິນຄ້າຂະໜາດໃຫຍ່, ຜະລິດຕະພັນກະເສດ ແລະ ບໍ່ແຮ່ເມື່ອທຽບໃສ່ກັບເສັ້ນທາງບົກ ຫຼືເສັ້ນທາງລົດໄຟ. ຕາມບົດລາຍງານຕີລາຄາຜົນກະທົບຕໍ່ສິ່ງແວດລ້ອມ, ພາຍຫຼັງກໍ່ສ້າງສຳເລັດ, ເສັ້ນທາງນີ້ໄດ້ຮັບຄວາມຫວັງວ່າຈະຂົນສົ່ງສິນຄ້າປະມານ 108 ລ້ານໂຕນໃນປີ 2035 ແລະ 130 ລ້ານໂຕນໃນປີ 2050.
