ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ການພົບປະ

ກ່າວຄຳເຫັນທີ່ການອວຍພອນບຸນເຕັດ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຕີລາຄາສູງ ຫ້ອງວ່າການລັດຖະບານ ໃນປີທີ່ຜ່ານມາ ໄດ້ປະຕິບັດໜ້າທີ່ທີ່ໄດ້ຮັບມອບໝາຍເປັນຢ່າງດີ. ໃນນັ້ນມີການສ້າງລັດຖະບານເອເລັກໂຕນິກ, ປະຕິຮູບລະບຽບການບໍລິຫານ, ຊຸກຍູ້ບັນດາໜ້າທີ່ດ້ານການເມືອງຂອງ ລັດຖະບານ. ພ້ອມທັງຕີລາຄາສູງ ຕໍ່ເລື່ອງຫ້ອງວ່າການລັດຖະບານຜັນຂະຫຍາຍການປະຕິບັດການປະຈຳການໃນຍາມບຸນເຕັດຢ່າງເຂັ້ມງວດ, ປະກອບສ່ວນເຂົ້າໃນການປະຕິບັດໜ້າທີ່ຮັບໃຊ້ບຸນເຕັດໃຫ້ປະຊາຊົນເປັນຢ່າງດີ.

ສິ່ງສຳຄັນອື່ນອີກທີ່ທ່ານນາຍົກລັດຖະມົນຕີ ເອົາໃຈໃສ່ແມ່ນ ພະຍາດອັກເສບປອດທີ່ເກີດ ຈາກເຊື້ອພະຍາດຈຸລະໂລກສາຍພັນໃໝ່(ຫຼືໄວຣັດ ໂຄໂຣນາ) ພວມມີການຜັນແປຢ່າງສັບສົນ ຢູ່ ຈີນ, ໃນຂະນະນັ້ນ ຫວຽດນາມ ມີ ທ້ອງຖິ່ນຫຼາຍແຫ່ງທີ່ມີເສັ້ນຊາຍແດນຕິດກັບປະເທດ ຈີນ. ທ່ານນາຍົກລັດຖະມົນຕີ ໄດ້ຮຽກຮ້ອງໃຫ້ບັນດາໜ່ວຍງານປະຕິບັດງານຊ່ວຍໃຫ້ ທ່ານນາຍົກລັດຖະມົນຕີ ແລະ ບັນດາທ່ານຮອງນາຍົກລັດຖະມົນຕີຕິດຕາມ, ອັບເດັດສະພາບການເປັນປະຈຳ ລາຍງານຢ່າງທັນການເພື່ອມີມາດຕະການປ້ອງກັນຢ່າງແຮງກ່ວາອີກ.