ທີ່ການເຮັດວຽກ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຖືວ່າ ການປະຕິຮູບນະໂຍບາຍເງິນເດືອນ ຕ້ອງດຳເນີນຫຼາຍວິທີການແກ້ໄຂຢ່າງຄົບຊຸດ. ກ່ຽວຂ້ອງເຖິງການສ້າງບັນດາເນື້ອໃນ, ຂໍ້ກຳນົດຢ່າງລະອຽດ ກ່ຽວກັບລະບົບເງິນເດືອນໃໝ່ສຳລັບພະນັກງານ, ລັດຖະກອນ, ພາລະກອນ ແລະ ກຳລັງປະກອບອາວຸດ, ທ່ານຮອງນາຍົກລັດຖະມົນຕີ ໃຫ້ຮູ້ວ່າ ນີ້ແມ່ນແຜນຮ່າງອັນໃຫຍ່ຫຼວງ, ຕ້ອງໄດ້ຍື່ນສະເໜີຕໍ່ກົມການເມືອງ ເພື່ອພິຈາລະນາ ແລະ ຕັດສິນໃນປີ 2020 ເພື່ອເປັນບ່ອນອີງໃນການ ສ້າງບັນດາບາດກ້າວຕໍ່ໄປ.

ທ່ານຮອງນາຍົກລັດຖະມົນຕີ ຖືວ່າ ປີ 2020 ຕ້ອງເພີ່ມທະວີການກວດກາຄືນໃໝ່ຢ່າງລະອຽດ ແລະ ກະຊວງພາຍໃນກໍ່ຕ້ອງສ້າງຕັ້ງບັນດາຄະນະກວດກາລະຫວ່າງຂະແໜ່ງ ເພື່ອ ໄປກວດກາການສັບຊ້ອນ ບັນດາ ໜ່ວຍງານພາລະກິດ ຂອງ ລັດ ເພື່ອບັນລຸໄດ້ ເປົ້າໝາຍ ຫຼຸດຜ່ອນ ຈຳນວນຜູ້ໄດ້ຮັບເງິນເດືອນຈາກງົບປະມານແຫ່ງລັດໃນກຸ່ມໜ່ວຍງານພາລະກິດລົງ, ນັບທັງ ຂະແໜງສາທາລະນະສຸກ ແລະ ຂະແໜງສຶກສາ.