(ພາບປະກອບ: Sergei Bobylev/Sputnik/Kremlin/AP)
ໃນລະຫວ່າງວັນທີ 19 – 20 ພຶດສະພາ, ທ່ານ Vladimir Putin, ປະທານາທິບໍດີ ລັດເຊຍ ໄດ້ໄປຢ້ຽມຢາມ ຈີນ. ການຢ້ຽມຢາມໄດ້ດຶງດູດຄວາມສົນໃຈເປັນພິເສດໃນສະພາບທີ່ການພົວພັນຍຸດທະສາດລະຫວ່າງ ລັດເຊຍ - ຈີນ ສືບຕໍ່ມີຄວາມຄືບໜ້າຢ່າງເລິກເຊິ່ງ, ພ້ອມກັນນັ້ນ ການແກ່ງແຍ້ງກັນລະຫວ່າງບັນດາປະເທດມະຫາອຳນາດທີ່ຂາດສະຖຽນລະພາບດ້ານພູມສາດການເມືອງທົ່ວໂລກມີການຜັນແປໃໝ່ຫຼາຍຢ່າງ.
ການໄປປະຕິບັດງານຄັ້ງນີ້ແມ່ນການຢ້ຽມຢາມ ຈີນ ຄັ້ງທີ 25 ຂອງທ່ານປະທານາທິບໍດີ Vladimir Putin ໃນຖານະຕຳແໜ່ງປະທານາທິບໍດີ/ນາຍົກລັດຖະມົນຕີ ລັດເຊຍ ໃນໄລຍະກວ່າ 2 ທົດສະວັດຜ່ານມາ.
ຍູ້ແຮງການຮ່ວມມືດ້ານເສດຖະກິດ - ພະລັງງານ
ໂດຍໄດ້ດຳເນີນໃນປີທີ່ ຈີນ ແລະ ລັດເຊຍ ສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຈີນ - ລັດເຊຍ (1996 – 2026) ແລະ 25 ປີແຫ່ງວັນເຊັນສົນທິສັນຍາບ້ານໃກ້ເຮືອນຄຽງມິດຕະພາບ ແລະ ຮ່ວມມືເປັນມິດ (2001 – 2026), ການຢ້ຽມຢາມ ຈີນ ຂອງປະທານາທິບໍດີ Vladimir Putin ໄດ້ຮັບຄວາມຫວັງຈາກທັງ 2 ຝ່າຍວ່າ ຈະນຳການພົວພັນຍຸດທະສາດລະຫວ່າງ ຈີນ - ລັດເຊຍ ຂຶ້ນສູ່ລະດັບສູງໃໝ່ທີ່ເລິກເຊິ່ງກວ່າ, ເຖິງວ່າ ປະຈຸບັນການພົວພັນນີ້ໄດ້ຮັບການຍ້ອງຍໍວ່າ “ຢູ່ລະດັບສູງສຸດໃນປະຫວັດສາດແລ້ວ”. ໃນສານທີ່ຍົກອອກມາກ່ອນການໄປຢ້ຽມຢາມ, ທ່ານ Dmitry Peskov, ໂຄສົກວັງ Kremlin ໃຫ້ຮູ້ວ່າ ມົດສະກູ ລໍຄອຍບັນດາໝາກຜົນລະອຽດໃນການຢ້ຽມຢາມ, ໃນທຸກແງ່ມູມຄືດ້ານການຄ້າ - ການລົງທຶນ, ການສຶກສາ… ຢ່າງເຂັ້ມງວດ. ໃນຂະນະນັ້ນ, ທ່ານ Guo Jiakun, ໂຄສົກກະຊວງການຕ່າງປະເທດ ຈີນ ຢືນຢັນວ່າ ການຢ້ຽມຢາມໄດ້ຄູນສ້າງສະຖຽນລະພາບ ແລະ ພະລັງງານອັນຕັ້ງໜ້າໃຫ້ແກ່ການພົວພັນ ຈີນ - ລັດເຊຍຕື່ມອີກ.
(ພາບ: REUTERS)
ຕາມສາດສະດາຈານ Cui Hongjian ຂອງສະຖາບັນບໍລິຫານພາກພື້ນ ແລະ ທົ່ວໂລກ, ມະຫາວິທະຍາໄລພາສາຕ່າງປະເທດ ປັກກິງ ແລ້ວ, ການຢ້ຽມຢາມ ຈີນ ຄັ້ງນີ້ຂອງທ່ານປະທານາທິບໍດີ Vladimir Putin ຈະປັບປຸງໜຶ່ງໃນບັນດາຈຸດທີ່ເປັນເອກະລັກສະເພາະໃນການພົວພັນລະຫວ່າງ ຈີນ - ລັດເຊຍ.
“ໃນຊຸມປີມໍ່ໆມານີ້, ຂ້າພະເຈົ້າຄິດວ່າ ການພົວພັນ ຈີນ - ລັດເຊຍ ໄດ້ສະແດງໃຫ້ເຫັນທ່າອ່ຽງພັດທະນາຢ່າງເປັນລະບົບ. ດ້ານໜຶ່ງ, 2 ຝ່າຍສືບຕໍ່ປັບປຸງ ແລະ ຍູ້ແຮງຄວາມໄວ້ເນື້ອເຊື່ອໃຈດ້ານການເມືອງ ແລະ ຍຸດທະສາດ ຜ່ານບັນດາການພົບປະຂັ້ນສູງ ແລະ ການທູດປະມຸກລັດ. ພ້ອມກັນນັ້ນ, ບັນດາບໍລິສັດໃນຫຼາຍຂົງເຂດຂອງ 2 ປະເທດກໍ່ມີການຮ່ວມມືຕ່າງຝ່າຍຕ່າງມີຜົນປະໂຫຍດກວ່າ ດ້ວຍວິທີເພີ່ມເຕີມທ່າແຮງໃຫ້ແກ່ກັນ”.
ຄວາມສະໜິດຕິດພັນດ້ານເສດຖະກິດ ແລະ ພະລັງງານຢ່າງແໜ້ນແຟ້ນ ນີ້ໄດ້ນຳມາເຊິ່ງສະຖຽນລະພາບດ້ານຍຸດທະສາດໃຫ້ທັງ ລັດເຊຍ ແລະ ຈີນ ໃນຊຸມປີມໍ່ໆມານີ້ ແລະ ມີຄວາມໝາຍສຳຄັນໃນປະຈຸບັນ, ເມື່ອການປະທະກັນຢູ່ ຕາເວັນອອກກາງ ພວມສົ່ງຜົນກະທົບບໍ່ດີເຖິງການສະໜອງພະລັງງານໃນທົ່ວໂລກ. ໃນບັນດາໂຄງການຮ່ວມມືໃຫຍ່ດ້ານພະລັງງານ, ທໍ່ສົ່ງນ້ຳມັນ ອາຍແກສກຳລັງແຮງ Siberia 2 (ສົ່ງອາຍແກັດຈາກ ລັດເຊຍ ໄປຜ່ານ ມົງໂກນ ເຖິງ ຈີນ) ໄດ້ຮັບຄວາມຫວັງວ່າ ຈະປຶກສາສຳເລັດໃນຂອບເຂດການຢ້ຽມຢາມຄັ້ງນີ້.
ຮັກສາສະຖຽນລະພາບດ້ານຍຸດທະສາດທົ່ວໂລກ
ໄປພ້ອມກັບບັນດາການຮ່ວມມືດ້ານເສດຖະກິດ, ພະລັງງານ ແລະ ການສຶກສາ, ການສົມທົບລະຫວ່າງ ຈີນ - ລັດເຊຍ ໃນບັນດາບັນຫາພູມສາດການເມືອງກໍ່ດຶງດູດຄວາມສົນໃຈ, ພິເສດແມ່ນການຢ້ຽມຢາມ ຈີນ ຂອງທ່ານປະທານາທິບໍດີ Vladimir Putin ໄດ້ດຳເນີນໄປພາຍຫຼັງການຢ້ຽມຢາມ ຈີນ ຂອງທ່ານ Donald Trump ປະທານາທິບໍດີ ອາເມລິກາ (ແຕ່ວັນທີ 13 – 15 ພຶດສະພາ)ພຽງ 4 ວັນ. ທ່ານ Yuri Ushakov, ທີ່ປຶກສາການຕ່າງປະເທດຂອງປະທານາທິບໍດີ ລັດເຊຍ, ຖະແຫຼງວ່າ:
“ບໍ່ມີສາຍພົວພັນໃດລະຫວ່າງການຢ້ຽມຢາມຂອງທ່ານປະທານາທິດບໍດີ Donald Trump ແລະ ທ່ານປະທານາທິບໍດີ Vladimir Putin. ຕາມປົກກະຕິ, ພວກຂ້າພະເຈົ້າໄດ້ເຫັນດີເປັນເອກະພາບຕໍ່ແຜນການທີ່ຈະປຶກສາຫາລືກັບຝ່າຍ ຈີນ ນັບແຕ່ກ່ອນແລ້ວ. ຕາມປົກກະຕິ, ປະທານາທິບໍດີ Vladimir Putin ແລະ ທ່ານສິຈິ້ນຜິ້ງ ປະທານປະເທດ ຈີນກໍ່ມີການສົນທະນາທາງທາງໂທລະສັບໃນໂອກາດຕົ້ນປີ, ແລະພາຍຫຼັງການນຳສອງທ່ານສົນທະນາທາງໂທລະສັບໃນວັນທີ 04 ກຸມພາ 2026ພຽງ 2 – 3 ວັນ ພວກຂ້າພະເຈົ້າໄດ້ເຫັນດີເປັນເອກະພາບຕໍ່ເລື່ອງທ່ານປະທານາທິບໍດີ Vladimir Putin ຈະໄປຢ້ຽມຢາມ ຈີນ ແລະ ຂຶ້ນແຜນແມ່ນວັນທີ 20 ພຶດສະພາ”.
ດ້ານອື່ນ, ບັນດານັກຊ່ຽວຊານກໍ່ຖືວ່າ ການປະທະກັນຢູ່ ຕາເວັນອອກກາງ ແລະ ການປະທະກັນລະຫວ່າງ ລັດເຊຍ - ຢູແກຼນ ພວມເຮັດໃຫ້ບົດບາດຂອງ ຈີນ ພົ້ນເດັ່ນຂຶ້ນ ຄືດັ່ງປະເທດມະຫາອຳນາດທີ່ມີສະຖຽນລະພາບ ແລະ ໃຫ້ຄຳໝັ້ນສັນຍາຢ່າງແຮງກວ່າແກ່ບັນດາກົນໄກຄຸ້ມຄອງຄວາມໝັ້ນຄົງ ແລະ ເສດຖະກິດທົ່ວໂລກ, ສິ່ງທີ່ຢາກຫຼືບໍ່ຢາກ, ບັນດາປະເທດນີ້ກໍ່ຕ້ອງຄິດໄລ່ເຖິງ.
