(VOVWORLD) - ປີ 1945, ເມື່ອປະເທດລາວ ປະເຊີນໜ້າກັບສິ່ງທ້າທາຍທີ່ໃຫຍ່ຫຼວງຈາກບັນດາກຳລັງຮຸກຮານ, ທະຫານອາສາສະໝັກ, ນັກຊ່ຽວຊານການທະຫານ ຫວຽດນາມ ໄດ້ຊ່ວຍປະຊາຊົນລາວ ປົກປັກຮັກສາເອກະລາດຂອງປະເທດຊາດ. ໃນຕະຫຼອດໄລຍະເວລານັ້ນ, ກອງທັບ ແລະ ນັກຊ່ຽວຊານການທະຫານຫວຽດນາມ ໄດ້ທຸ່ມກາຍທຸ່ມໃຈ, ຜ່ານຜ່າຄວາມຫຍຸ້ງຍາກນາໆປະການ ເພື່ອໄປຍັງແຕ່ລະໝູ່ບ້ານ ເພື່ອຮ່ຽງບ່າຮ່ຽງໄຫຼ່ກັບເພື່ອນມິດລາວ. ມີນັກຮົບ, ນັກຊ່ຽວຊານການທະຫານຫວຽດນາມ ຫຼາຍຄົນໄດ້ເສຍສະຫຼະເລືອດເນື້ອຢູ່ດິນແດນເພື່ອນລາວ, ນຳສັນຕິພາບ, ຄວາມອີ່ມໜຳສຳລານສົມບູນພູມສຸກມາໃຫ້ປະຊາຊົນ. ບັນດາເລື່ອງລາວທີ່ຊາບຊຶ້ງກ່ຽວກັບການເສຍສະຫຼະຂອງນັກຮົບຫວຽດນາມ ຍາມໃດກໍ່ແມ່ນພະຍານຫຼັກຖານທີ່ມີຊີວິດຊີວາໃຫ້ແກ່ນ້ຳໃຈອ້າຍນ້ອງທີ່ສະໜິດຕິດພັນລະຫວ່າງສອງຊາດ ຫວຽດນາມ - ລາວ.