ຖະ​ແຫຼງ​ການ​ຂອງ ​ທ່ານ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ Donald Trump ສືບ​ຕໍ່​ສະ​ແດງ​ໃຫ້​ເຫັນ​ກຳ​ລັງ​ກົດດັນ​ຂອງ​ອຳ​ນາ​ດ​ການ​ປົກ​ຄອງ​ທ່ານ Trump ຕໍ່​ກັບບັນ​ດາ​ພັນ​ທະ​ມິດ​ ເອີ​ລົບ ໃນ​ການ​ແບ່ງ​ປັນ​ບັນ​ຫາ​ກ່ຽວ​ຂ້ອງ​ເຖິງ ຢູ​ແກຼນ ຫຼາຍກວ່າ. ໃນ​ບົດ​ທີ່​ໄດ້​ເອົາ​ລົງ​ສື່​ສັງ​ຄົມ​ໃນ​ວັນ​ທີ 3 ກັ​ນ​ຍາ, ທ່ານ Donald Trump ຖື​ວ່າ ເງິນ​ນັບ​ຮ້ອຍ​ຕື້ USD ໄດ້​ສະ​ໜອງ​ຟ​ຣີ ໃຫ້​ແກ່​ຢູ​ແກຼນ ແລະ ນາ​ໂຕ, ໃນ​ຂະ​ນະ​ທີ່​ ນີ້​ແມ່ນ​ບັນ​ດາ​ບ້ວງ​ເງິນ​ເຊິ່ງ ເອີ​ລົບ ​ຕ້ອງ​ຈ່າຍ. ທ່ານ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ຢັ້ງ​ຢືນ​ວ່າ ອາ​ເມ​ລິ​ກາ ຈະ​ຊອກ​ຫາ​ວິ​ທີ​ການ​ເກັບ​ຈຳ​ນວນ​ເງິນ​ນີ້​ຄືນ, ເຖິງວ່າ​ໄດ້​ຍອມ​ຮັບວ່າ​ການ​ກະ​ທຳ​ດັ່ງ​ກ່າວ​ໄດ້​ດຳ​ເນີນຂ້ອນຂ້າງ​ຊ້າ​.