(ພາບ: QDND)
ຕອນເຊົ້າວັນທີ 09 ຕຸລາ, ພິທີສະເຫຼີມສະຫຼອງວັນຫັນເປັນດີຈີຕອນແຫ່ງຊາດ (ວັນທີ 10 ຕຸລາ) ໄດ້ຈັດຂຶ້ນຢູ່ ຮ່າໂນ້ຍ.
ດ້ວຍຫົວຂໍ້: "ຈາກສະຖາປັດຕະຍະກຳ, ພື້ນຖານ, ຂໍ້ມູນໄປສູ່ໝາກຜົນທີ່ແທ້ຈິງ, ຍົກສູງປະສິດທິຜົນການຄຸ້ມຄອງແຫ່ງຊາດ," ວັນຫັນເປັນດີຈີຕອນແຫ່ງຊາດປີນີ້ ໄດ້ເນັ້ນໜັກເຖິງຄວາມຮຽກຮ້ອງຕ້ອງການຫັນຈາກການສ້າງສະຖາປັດຕະຍະກຳ, ພື້ນຖານ ແລະ ຂໍ້ມູນ ໄປສູ່ການຂຸດຄົ້ນບັນດາແຫຼ່ງກຳລັງດີຈີຕອນຢ່າງມີປະສິດທິຜົນ, ສ້າງໝາກຜົນລະອຽດ, ສາມາດວັດແທກໄດ້ໃນການຄຸ້ມຄອງ, ບໍລິຫານ, ການພັດທະນາ ເສດຖະກິດ - ສັງຄົມ ແລະ ຮັບໃຊ້ປະຊາຊົນ, ວິສາຫະກິດ. ທ່ານ ວູຫາຍກວນ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ເນັ້ນໜັກວ່າ:
“ກະຊວງວິທະຍາສາດ ແລະ ເຕັກໂນໂລຊີ ສືບຕໍ່ສ້າງມາດຕະຖານ, ຂໍ້ກຳນົດ, ແນະນຳ ແລະ ເຄື່ອງມືຕິດຕາມກວດກາ; ແກ້ໄຂຄວາມຫຍຸ້ງຍາກ, ຂໍ້ຕິດຂັດໃຫ້ແກ່ບັນດາກະຊວງ, ຂະແໜງການ ແລະ ທ້ອງຖິ່ນຢ່າງທັນການ. ທາງກະຊວງກໍ່ໃຫ້ຄຳໝັ້ນສັນຍາຈະຮ່ວມເດີນທາງພ້ອມກັບບັນດາຫົວໜ່ວຍ, ທ້ອງຖິ່ນ, ວິສາຫະກິດ ແລະ ປະຊາຊົນໃນການຈັດຕັ້ງປະຕິບັດ, ມຸ່ງໄປສູ່ປະເທດດີຈີຕອນທັນສະໄໝ.”
ແລະກໍ່ໃນບັນດາເຫດການເນື່ອງໃນໂອກາດວັນຫັນເປັນດີຈີຕອນແຫ່ງຊາດປີ 2026, ເຊິ່ງຈັດຂຶ້ນແຕ່ວັນທີ 08 ຫາ 10 ຕຸລາ, ກໍ່ໄດ້ຈັດງານວາງສະແດງການຫັນເປັນຈີຕອນ ແລະ ຕົວເມືອງອັດສະລິຍະ, ດ້ວຍຂອບຂະໜາດຮ້ານວາງສະແດງຫຼາຍກວ່າ 200 ຮ້ານ.
