ໃນຖະແຫຼງການທີ່ໄດ້ຍົກອອກມາພາຍຫຼັງກອງປະຊຸມຢູ່ ເບີລິນ, ເຢຍລະມັນ, ບັນດາລັດຖະມົນຕີກະຊວງ ການເງິນຂອງ ເຢຍລະມັນ, ຝລັ່ງ, ອີຕາລີ, ໂຮນລັງ, ໂປໂລຍ ແລະ ແອັດສະປາຍ, ຍັງເອີ້ນວ່າກຸ່ມ “E6” ໃຫ້ຮູ້ວ່າ ບັນດາປະເທດນີ້ ສະໜັບສະໜູນເລື່ອງມອບໂອນຄວາມຮັບຜິດຊອບຕິດຕາມກວດກາໃຫ້ແກ່ອົງການຕິດຕາມກວດກາການຕະຫຼາດ ແລະ ອະສັງຫາລິມະຊັບ ເອີຣົບ ທີ່ມີສຳນັກງານຕັ້ງຢູ່ ປາຣີ, ຝລັ່ງ. ເຖິງຢ່າງໃດກໍຕາມ ບາງພື້ນຖານເສດຖະກິດຂະໜາດໜ້ອຍກວ່າ ຂຶ້ນກັບ EU ຄື ອຽກລັງ ແລະ ລຸກຊຳບວກ ພັດຊັ່ງຊາຕໍ່ຂໍ້ສະເໜີດັ່ງກ່າວ.
ໃນຖະແຫຼງການຮ່ວມ, ບັນດາລັດຖະມົນຕີການເງິນ E6 ເນັ້ນໜັກວ່າ ບັນດາຂໍ້ສະເໜີທີ່ກ່ຽວຂ້ອງເຖິງຢ່າງການຕິດຕາມກວດກາຕະຫຼາດ ແລະ ບາງຂົງເຂດທີ່ແຕກຕ່າງກັນ ແນໃສ່ປະກອບສ່ວນມຸ່ງໄປເຖິງ “ສະຫະພັນປະຢັດ ແລະ ການລົງທຶນທີ່ແທດຈິງ”. ຖະແຫຼງການກໍໃຫ້ຮູ້ວ່າ ບັນດາຝ່າຍໄດ້ມານະພະຍາຍາມຊອກຫາການປະນິປະນອມທີ່ດຸ່ນດ່ຽງ ດ້ວຍການສ່ອງແສງຫຼັກໝັ້ນຂອງກຸ່ມ E6 ແລະ ອາດຈະປະກອບສ່ວນເຂົ້າໃນບັນດາວາລະປຶກສາຫາລືຕໍ່ໄປໃນສະພາເອີຣົບ.
