ໂດຍສືບຕໍ່ການຢ້ຽມຢາມລາຊະອານາຈັກໄທຢ່າງເປັນທາງການ, ຕອນບ່າຍວັນທີ 27 ພຶດສະພາ, ຢູ່ນະຄອນຫຼວງ ບາງກອກ (ໄທ), ທ່ານໂຕເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ, ປະທານປະເທດ ຫວຽດນາມ ໄດ້ຕ້ອນຮັບທ່ານ Thapana Sirivadhanabhakdi ປະທານຝ່າຍບໍລິຫານກຸ່ມບໍລິສັດ TCC ອຳນວຍການໃຫຍ່ ກຸ່ມບໍລິສັດ ThaiBev (ໄທ).
ກ່າວຄຳເຫັນທີ່ການຕ້ອນຮັບ, ທ່ານ ເລຂາທິການໃຫຍ່, ປະທານປະເທດ ໂຕເລິມ ໃຫ້ຮູ້ວ່າ ຫວຽດນາມ ພວມສືບຕໍ່ປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ໃຫ້ບຸລິມະສິດດຶງດູດບັນດາໂຄງການທີ່ມີຄຸນນະພາບ, ມີເນື້ອຫາລັກສະນະວິທະຍາສາດ, ເຕັກໂນໂລຢີສູງ, ການຄຸ້ມຄອງບໍລິຫານທັນສະໄໝ, ການເຊື່ອມຕໍ່ກັບວິສາຫະກິດພາຍໃນປະເທດເປັນຢ່າງດີ; ພ້ອມທັງສະເໜີກຸ່ມ TCC ໜູນຊ່ວຍວິສາຫະກິດຂະໜາດກາງ ແລະ ນ້ອຍຂອງ ຫວຽດນາມ ເຂົ້າຮ່ວມລະບົບສະໜອງຢ່າງເລິກເຊິ່ງກວ່າອີກ, ປະກອບສ່ວນເຂົ້າການເຊື່ອມຕໍ່ພື້ນຖານເສດຖະກິດສອງປະເທດ ກໍ່ຄືບັນດາປະເທດ ອາຊຽນ ຢ່າງຕັ້ງໜ້າ.
ສ່ວນທ່ານປະທານຝ່າຍບໍລິຫານກຸ່ມບໍລິສັດ TCC ປາດຖະໜາໃຫ້ ຫວຽດນາມ ສືບຕໍ່ສ້າງເງື່ອນໄຂໃຫ້ການເຄື່ອນໄຫວລົງທຶນ, ດຳເນີນທຸລະກິດຂອງ ກຸ່ມບໍລິສັດຢູ່ ຫວຽດນາມແລະ ເນັ້ນໜັກວ່າ ໃນໄລຍະຈະມາເຖິງ, ກຸ່ມບໍລິສັດ TCC ພວມຄົ້ນຄ້ວາເລີ່ມຕົ້ນການເຄື່ອນໄຫວດຳເນີນທຸລະກິດຈຳນວນໜຶ່ງຕື່ມໃນຂົງເຂດ logistics, ຜະລິດຄືນໃໝ່ ແລະ ບາງຂົງເຂດອື່ນໆ.
