ວັນທີ 27 ພຶດສະພາ, ຢູ່ສຳນັກງານ ສປຊ ຢູ່ນິວຢອກ (ອາເມລິກາ), ໄດ້ດຳເນີນກອງປະຊຸມຂະບວນການບໍ່ຮ່ວມກຸ່ມເພື່ອຮັບຟັງທ່ານ Bruno Rodríguez Parrilla ລັດຖະມົນຕີການຕ່າງປະເທດ ກຸຍບາ ແບ່ງປັນກ່ຽວກັບສະພາບການກຸຍບາໃນປັດຈຸບັນ, ໃນສະພາບການບັນດາມາດຕະການປິດລ້ອມ, ຂວ້ຳບາດ ແລະ ບັງຄັບແບບພຽງລຳຟັງຝ່າຍດຽວ ເລັ່ງໃສ່ກຸຍບາ ສືບຕໍ່ຖືກຮັດໜ້ນ
ກ່າວຄຳເຫັນທີ່ກອງປະຊຸມ, ທ່ານ Bruno Rodríguez Parrilla ລັດຖະມົນຕີ ການຕ່າງປະເທດ ກຸຍບາ ໃຫ້ຮູ້ວ່າ ບັນດາມາດຕະການປິດລ້ອມ, ຂວ້ຳບາດພວມກໍ່ຄວາມຫຍຸ້ງຍາກຫຼາຍຢ່າງໃຫ້ແກ່ເສດຖະກິດ ສັງຄົມ ແລະ ຊີວິດການເປັນຢູ່ຂອງປະຊາຊົນກຸຍບາ, ພິເສດໃນຂົງເຂດທີ່ຈຳເປັນຄື: ພະລັງງານ, ສະບຽງອາຫານ ແລະ ການແພດ, ພ້ອມທັງເພີ່ມຄວາມວິຕົກກັງວົນຕໍ່ບັນດາໄພນາບຂູ່ນຳໃຊ້ອາວຸດສຳລັບກຸຍບາ.
ໃນການປຶກສາຫາລືຢູ່ກອງປະຊຸມ, ທ່ານເອກອັກຄະລັດຖະທູດ ໂດຮຸ່ງວຽດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ເນັ້ນໜັກວ່າ ເລື່ອງສາມັກຄີ ກັບບັນດາຊາດພວມປະເຊີນໜ້າກັບຄວາມກົດດັນ ແລະ ບໍ່ມີຄວາມຍຸຕິທຳ ຍາມໃດກໍ່ແມ່ນຄຸນຄ່າຫຼັກແຫຼ່ງຂອງຂະບວນການບໍ່ຮ່ວມກຸ່ມ, ເຊິ່ງໄດ້ສ້າງຕັ້ງຂຶ້ນບົນຫຼັກການເອກະລາດ, ສະເໝີພາບ ອະທິປະໄຕ, ບໍ່ແຊກແຊງເຂົ້າວຽກງານພາຍໃນ ແລະ ພ້ອມກັນຄົງຕົວຢ່າງມີສັນຕິພາບ. ຜູ້ຕາງໜ້າ ຫວຽດນາມ ຮຽກຮ້ອງ ບັນດາປະເທດ ສະມາຊິກຂະບວນການບໍ່ຮ່ວມກຸ່ມ ສືບຕໍ່ເສີມຂະຫຍາຍຈິດໃຈສາມັກຄີ, ອອກສຽງຢ່າງແຮງຄັດຄ້ານການປິດລ້ອມ, ຂວ້ຳບາດຕໍ່ກຸຍບາ, ປະກອບສ່ວນປົກປ້ອງບັນດາຫຼັກການພື້ນຖານຂອງຂະບວນການ.
