ວັນທີ 27 ພຶດສະພາ, ກົມສູ້ຮົບ (ກົມໃຫຍ່ເສນາທິການໃຫຍ່ກອງທັບປະຊາຊົນ ຫວຽດນາມ) ເຮັດວຽກກັບຄະນະກຳມະການປະຊາຊົນ ແຂວງ ດັກລັກ ກ່ຽວກັບໝາກຜົນການແກ້ໄຂຂໍ້ຄົງຂ້າງ, ຂໍ້ຈຳກັດໃນການປະຕິບັດໜ້າທີ່ຕ້ານການຂຸດຄົ້ນສິນໃນນ້ຳແບບຜິດກົດໝາຍ, ບໍ່ລາຍງານ ແລະ ບໍ່ປະຕິບັດຕາມຂໍ້ກຳນົດ IUU ຕາມການສະເໜີຂອງ ຄະນະກຳມະການເອີລົບ (EC).
ໂດຍຮັບຮູ້ບັນດາຄວາມມານະພະຍາຍາມໃນການຕ້ານການຂຸດຄົ້ນສິນໃນນ້ຳແບບຜິດກົດໝາຍ, ບໍ່ລາຍງານ ແລະ ບໍປະຕິບັດຕາມຂໍ້ກຳນົດ (IUU), ທ່ານພັນເອກ ບຸຍອຽນຕິ້ງ, ຮອງຫົວໜ້າກົມສູ້ຮົບ (ກົມໃຫຍ່ເສນາທິການໃຫຍ່ກອງທັບປະຊາຊົນ ຫວຽດນາມ), ຕີລາຄາວ່າ ຄະນະບັນຊາການທະຫານປ້ອງກັນຊາຍແດນແຂວງ ດັກລັກ ໄດ້ຜັນຂະຫຍາຍບັນດາໜ້າທີ່ຕ້ານການຂຸດຄົ້ນ IUU ຢ່າງເຂັ້ມງວດ, ເປັນເຈົ້າການປະສານສົມທົບກັບທ້ອງຖິ່ນ ແລະ ບັນດາກຳລັງທີ່ມີໜ້າທີ່ຮັບຜິດຊອບຄວບຄຸມກຳປັ່ນຫາປາ, ເພີ່ມທະວີການລາດຕະເວນຢູ່ທະເລຕິດພັນກັບການປົກປັກຮັກສາອະທິປະໄຕ, ຄວາມໝັ້ນຄົງ, ຄວາມເປັນລະບຽບຮຽບຮ້ອຍ.
ສ່ວນຄະນະກຳມະການແຂວງດັກລັກ ໄດ້ສະເໜີທະຫານປ້ອງກັນຊາຍແດນແຂວງສືບຕໍ່ປະສານສົມທົບກັບບັນດາກຳລັງທີ່ມີໜ້າທີ່ຮັບຜິດຊອບເພີ່ມທະວີການລາດຕະເວນ, ກວດກາ, ຄວບຄຸມ, ແກ້ໄຂບັນດາກໍລະນີລະເມີດ IUU ຢ່າງທັນການ, ສ້າງຂໍ້ກຳນົດປະສານສົມທົບລະຫວ່າງຂະແໜງໃນການຕິດຕາມ, ຄວບຄຸມການເຂົ້າອອກທຽ-ທ່າຂອງກຳປັ່ນຫາ ແລະ ແບ່ງປັນຂໍ້ມູນປັບໄໝການລະເມີດ.
