ວົງການເຈົ້າໜ້າທີ່ອີຣານ ປະຕິເສດຂ່າວວ່າ ທ່ານປະທານາທິບໍດີ Masoud Pezeshkian ຍື່ນສະເໜີໃບຄຳຮ້ອງລາອອກຈາກຕຳແໜ່ງ ເຖິງທ່ານ ຜູ້ນຳສູງສຸດ Mojtaba Khamenei. ພ້ອມທັງປະເທດນີ້ຢັ້ງຢືນບັນດາການເຈລະຈາກັບ ອາເມລິກາ ກ່ຽວກັບການສິ້ນສຸດສົງຄາມຍັງພວມສືບຕໍ່ດຳເນີນ. ຖະແຫຼງການປະຕິເສດຂ່າວ ດັ່ງກ່າວ, ໂດຍທ່ານ Elias Hazrati ປະທານສະພາຂ່າວສານ ລັດຖະບານ ອີຣານ ປະກາດໃນຕອນຄ່ຳວັນທີ 31 ພຶດສະພາ ໃນບົດຂຽນທີ່ໄດ້ເອົາລົງໃນສື່ສັງຄົມ X. ເຈົ້າໜ້າທີ່ ອີຣານ ໄດ້ຢັ້ງຢືນວ່າ ຂ່າວໂດຍສື່ມວນຊົນຝ່າຍຕາເວັນຕົກຍົກອອກມາແມ່ນບໍ່ມີມູນຄວາມຈິງ, ເພື່ອແນໃສ່ກົນອຸບາຍແບ່ງແຍກ ແລະ ກໍ່ຄວາມວຸ້ນວາຍຢູ່ ອີຣານ.
ກ່ຽວຂ້ອງເຖິງວິວັດການເຈລະຈາ ອາເມລິກາ - ອີຣານ, ຕອນຄ່ຳວັນທີ 31 ພຶດສະພາ, ທ່ານລັດຖະມົນຕີການຕ່າງປະເທດ ອີຣານ Abbas Araghchi ໄດ້ຢັ້ງຢືນວ່າ ບັນດາການຕິດຕໍພົວພັນ ແລະ ແລກປ່ຽນລະຫວ່າງສອງຝ່າຍ ຍັງດຳເນີນໄປ. ໃນຂະນະນັ້ນ, ທ່ານ Mohammad Baqer Qalibaf ປະທານສະພາແຫ່ງຊາດ ອີຣານ ໄດ້ປະກາດວ່າ ອີຣານ ຈະບໍ່ຍອມຮັບບໍ່ວ່າຂໍ້ຕົກລົງໃດກັບ ອາເມລິກາ, ຖ້າມັນບໍ່ໄດ້ຮັບປະກັນບັນດາສິດ ແລະ ຜົນປະໂຫຍດຂອງອີຣານ.
